«اتموسفەرالىق فرونتتاردىڭ وتۋىنە بايلانىستى ەل اۋماعىنىڭ باسىم بولىگىندە جاڭبىر جاۋادى, رەسپۋبليكانىڭ باتىسى مەن وڭتۇستىك-شىعىسىندا قاتتى جاڭبىر مەن نايزاعاي بولادى. تەك قىزىلوردا وبلىسىندا جاۋىن-شاشىنسىز اۋا رايى بولادى. رەسپۋبليكا بويىنشا كەي جەرلەردە جەل كۇشەيىپ, داۋىل سوعىپ, بۇرشاق جاۋادى», دەلىنگەن «قازگيدرومەت» رمك ءباسپاسوز حابارلاماسىندا.
الماتى وبلىسىنىڭ وڭتۇستىگىندە, شىعىسىندا, تۇندە جانە تاڭەرتەڭ تاۋلى جانە تاۋ بوكتەرىندەگى اۋدانداردا بۇرشاق جاۋىپ, داۋىل بولۋى ىقتيمال, نايزاعاي كەزىندە 15-20 م/س جەل كۇشەيەدى, ەكپىنى 23-28 م/س جەتەدى.
تۇندە باتىس قازاقستان وبلىسىنىڭ باتىسىندا, سولتۇستىك-باتىسىندا, كۇندىز سولتۇستىك جارتىسىندا, ورتالىق بولىگىندە بۇرشاق جاۋى ىقتيمال, داۋىل سوعىپ, كۇندىز جەل 15-20, وبلىستىڭ سولتۇستىك-شىعىسىندا ەكپىنى 23 م/س جەتەدى.
جامبىل وبلىسىنىڭ سولتۇستىگىندە, وڭتۇستىك-باتىسىندا, تاۋلى اۋداندارىندا بۇرشاق, داۋىل كۇتىلەدى, كۇندىز وڭتۇستىك-باتىستا, سولتۇستىك-شىعىستا, وبلىستىڭ تاۋلى اۋداندارىندا جەلدىڭ جىلدامدىعى 15-20 م/س جەتەدى.
شىعىس قازاقستان وبلىسىنىڭ باتىسىندا, وڭتۇستىگىندە بۇرشاق جاۋى مۇمكىن, كۇندىز وڭتۇستىك-باتىستا, وڭتۇستىكتە جەلدىڭ جىلدامدىعى 15-20 م/س جەتەدى.
تۇركىستان وبلىسىنىڭ تاۋلى اۋداندارىندا داۋىل, نايزاعاي كەزىندە جەل 15-20 م/س كۇشەيەدى.
ماڭعىستاۋ وبلىسىنىڭ سولتۇستىگىندە, شىعىسىندا بۇرشاق جاۋى مۇمكىن, كۇندىز سولتۇستىكتە, وڭتۇستىك-باتىستا جەلدىڭ جىلدامدىعى 15-20 م/س جەتەدى.
قوستاناي وبلىسىنىڭ شىعىسىندا, سولتۇستىك قازاقستان وبلىسىنىڭ سولتۇستىگىندە, باتىسىندا, كۇندىز اتىراۋ وبلىسىنىڭ سولتۇستىگىندە, شىعىسىندا, ورتالىعىندا, اقتوبە وبلىسىنىڭ سولتۇستىگىندە, باتىسىندا 15-20 م/س جەل تۇرادى.
