ءبىر شەنەۋنىك ماسكەۋ ماڭىنان ينگۋشەتيانىڭ شيرەك بولىگىندەي جەر الىپتى

رەسەي فەدەراتسياسىنداعى ينگۋشەتيا ۇكىمەتى توراعاسىنىڭ ءبىرىنشى ورىنباسارى ماگومەد بەكوۆتىڭ ماسكەۋ ماڭىندا رەسپۋبليكا اۋماعىنىڭ شيرەك بولىگىندەي جەر تەلىمى بار ەكەنى ءمالىم بولدى. بۇل تۋرالى ريا «نوۆوستي» اگەنتتىگى حابارلادى. مۇنىڭ دەرەگى م.بەكوۆتىڭ وزىنە تيەسىلى دۇنيە-مۇلكى كولەمىن جاريالاۋى بارىسىندا شىقتى. دالىرەگى, ونىڭ ماسكەۋ وبلىسىنا قاراستى يسترينسك جانە كراسنوگورسك اۋداندارىندا جالپى كولەمى 855 960 شارشى مەتردى قۇرايتىن 179 جەر تەلىمى بار ەكەنى انىقتالعان. ماگومەد بەكوۆتىڭ ءوز سوزىنە قاراعاندا, ول وسىناۋ «جازيرالى دالانى» مەملەكەتتىك قىزمەتكە ورنالاسقانعا دەيىن, ياعني كاسىپپەن شۇعىلدانىپ جۇرگەن كەزىندە جەكەشەلەندىرىپ العان كورىنەدى. وسى اقپاراتقا بايلانىستى ول: «بۇل جەردى ساتىپ العانمىن. ونى جەكە-جەكە جەر تەلىمدەرىنە ءبولىپ, كوتتەدجدەر سالدىم. سونداي-اق, جولدارىن جوندەپ, كوممۋنيكاتسيالىق قاجەتتىلىكتەردى وتەپ, ارنايى كۇزەت بەكىتىپ, اينالاسىن قورشادىم دا, سودان كەيىن الگى كوتتەدجدەردى ساتۋعا قويدىم. بۇلاردىڭ ءبىر بولىگى ساتىلدى, ال قالعاندارى ءالى ءوز مەنشىگىمدە. مەن كاسىپكەرلىكپەن اينالىسىپ جۇرگەنىمدە بۇل دۇنيەلەرىمنىڭ ءبارى زاڭدى تۇرعىدا تىركەلگەن», – دەدى. جولدىباي بازار. دەرەككوز: Ria.ru. فوتو: www.uznayvse.ru.