ەرتىس وزەنىنەن جايىلمالارعا سۋ جىبەرۋ جۇمىستارى ءجۇرىپ جاتىر

شىعىس قازاقستان وبلىسىنداعى سۋ قويمالارىنان ەرتىس وزەنىنىڭ جاعالاۋىنداعى جايىلمالارعا سۋ جىبەرۋ ءجۇرىپ جاتىر. بۇل تۋرالى پاۆلودار وبلىسى اكىمىنىڭ ءباسپاسوز قىزمەتى حابارلادى. «الدىن الا جاسالعان كەستەگە سايكەس سۋ جىبەرۋدىڭ نەگىزگى كەزەڭى 5 مەن 23 ءساۋىر ارالىعىن قامتيدى. سۋ جىبەرۋدى اياقتاۋ 28 ساۋىرگە جوسپارلانعان», - دەلىنگەن حابارلامادا. ەرتىس كاسكادى سۋ قويمالارىنىڭ سۋ رەسۋرستارىن پايدالانۋ تۋرالى ەرەجەگە سايكەس سۋ جىبەرۋ تۋرالى شەشىمدى ۆەدومستۆوارالىق تۇراقتى كوميسسيا قابىلدادى. وندا ورىن العان اۋا رايى جاعدايىنا بايلانىستى ەرتىس وزەنى سۋ جايىلماسىنا سۋ جىبەرۋ مەرزىمى مەن سۋ مولشەرى انىقتالدى. سۋ جىبەرۋ كەستەسىنە سايكەس جانە گيدرومەتەورولوگيالىق جاعدايدى ەسكەرە وتىرىپ, سۋ جىبەرۋ تىكەلەي ءشۇلبى سۋ قويماسىنان جۇزەگە اسۋدا. بيىل ەرتىس وزەنى جايىلماسىنا سۋدىڭ جايىلۋىن مونيتورينگىلەۋ ءۇشىن وبلىستىق بيۋدجەتتەن 4 ملن. تەڭگە ءبولىندى. مونيتورينگ جۇرگىزەتىن مەردىگەرلىك ۇيىم مەملەكەتتىك ساتىپ الۋلار كونكۋرسى قورىتىندىسى بويىنشا انىقتالاتىن بولادى. جۇمىسقا تاپسىرىس بەرۋشى – وبلىستىڭ جەر قويناۋىن پايدالانۋ, قورشاعان ورتا جانە سۋ رەسۋرستارى باسقارماسى. سۋ جىبەرۋ كەزەڭىندە پاۆلودار وبلىسى اۋماعىندا ەرتىس وزەنىندەگى سۋ دەڭگەيىنە باقىلاۋدى 9 گيدرولوگيالىق بەكەت جۇرگىزەدى. سۋدىڭ كوتەرىلۋ دەڭگەيىن مەردىگەرلىك ۇيىم مەن جاۋاپتى باسقارما كۇندەلىكتى باقىلاپ وتىرادى. الىنعان مالىمەتتەر كۇنىنە 4 رەت سۋ جىبەرۋ جونىندەگى كوميسسيا شتابىنا, وبلىس اكىمىنىڭ اپپاراتىنا, وبلىس بويىنشا توتەنشە جاعدايلار دەپارتامەنتىنە ۇسىنىلىپ تۇرادى. «ەرتىس باسسەينى سۋ شارۋاشىلىعى ينسپەكتسياسى» ۇسىنعان اقپاراتقا سايكەس بۇگىنگى تاڭدا بۇقتارما سۋ قويماسىنا جينالعان سۋ مولشەرى - 41,1 كم3. الدىن الا بولجام بويىنشا 5,7 كم3 مولشەرىندە سۋ جىبەرىلەدى. ەرتىس وزەنى بويىندا ورنالاسقان اۋداندار مەن قالالار اكىمدىكتەرىنە جايىلماعا سۋ جىبەرىلگەندىگى تۋرالى حابار تاراتىلىپ, ەرتىس وزەنى سۋى دەڭگەيىنە مونيتورينگ جاسالدى. مۇرات ايتقوجا. دەرەككوز: پاۆلودار وبلىسى اكىمدىگى. فوتو: پاۆلودار وبلىسى اكىمدىگىنىڭ سايتى.