قازاقستاندىق تەننيسشى ەكىنشى كەزدەسۋىن دۇنيەجۇزىلىك رەيتينگتە 102-ورىندا تۇرعان امەريكالىق لورەن دەۆيسپەن وتكىزدى. بۇل ولاردىڭ سپورتتىق جولىنداعى ءوزارا ءبىرىنشى باسەكەسى ەدى.
ءبىرىنشى پارتيادا ە. رىباكينا 4:1 ەسەبىمەن العا كەتكەنىمەن, قارسىلاسى تارازى باسىن تەڭەستىردى – 4:4. دەگەنمەن, ەلەنا تاعى ءبىر برەيك جاساپ, سەتكە دوپ بەرگەندە, ءوز مۇمكىندىگىن ءمۇلت جىبەرگەن جوق – 6:4. ەكىنشى سەتتە قازاقستاندىق تەننيسشى 3:0 ەسەبىمەن العا كەتتى. سودان كەيىن وسى باسىمدىلىعىنان ايىرىلعان جوق – 6:3. ءبىر جارىمنان ساعاتتان اسا ۋاقىتقا سوزىلعان ماتچ بارىسىندا ە. رىباكينا 6 ەيس جاساپ, 4 برەيك-پوينتتى تۇگەل پايدالاندى. قارسىلاسى 2 برەيكتەن (8 برەيك-پوينت) اسا العان جوق.
ە. رىباكينا جۇلدە قورى 2,5 ملن ەۋرودان اساتىن دودانىڭ شيرەك فينالىنا شىعۋ ءۇشىن الەمنىڭ 6-راكەتكاسى, چەحيالىق كارولينا پليشكوۆا نەمەسە رەيتينگتە 29-ساتىداعى شۆەيتساريالىق حيل بەلەن تايحماننىڭ بىرەۋىمەن تالاسادى.
بۇگىن سونداي-اق, يۋليا پۋتينتسەۆا ريمدە الەمنىڭ 10-راكەتكاسى, يسپانيالىق گاربينە مۋگۋرۋسامەن وينايدى.
