بۇل ماقساتتا قازىنادان 16,7 ملرد تەڭگەگە جۋىق قاراجات قاراستىرىلعان. جوبانىڭ جۇزەگە اسۋ بارىسى بۇگىن تۇركىستان وبلىسىنىڭ اكىمى ومىرزاق شوكەەۆتىڭ توراعالىعىمەن وتكەن اپتالىق اپپارات وتىرىسىندا باياندالدى.
«اۋىل – ەل بەسىگى» جوباسى اياسىندا بيىل وڭىردە 11 فەلدشەرلىك-اكۋشەرلىك بەكەت جانە 1 دارىگەرلىك امبۋلاتوريا, 11 مەكتەپكە قوسىمشا عيمارات سالىنىپ, 23 مەكتەپتى كۇردەلى جوندەۋدەن وتەدى. 7 سپورت نىسانى بوي كوتەرىپ, ءبىر سپورت نىسانى كۇردەلى جوندەۋدەن وتەدى. 13 مادەنيەت نىسانى سالىنىپ, بىرەۋىندە كۇردەلى جوندەۋ جۇرگىزىلەدى. 9 تابيعي گازبەن قامتاماسىز ەتۋ نىساندارى مەن 8 ەلەكتر قۋاتىمەن جابدىقتاۋ نىساندارىنىڭ قۇرىلىسى جۇرگىزىلەدى. 168 ىشكى كوشەلەر ورتاشا جوندەۋدەن وتەدى. 200-دەن استام جاڭا نىسان جىل سوڭىنا دەيىن پايدالانۋعا بەرىلەدى. جوبانىڭ ىسكە اسىرىلۋى تۇراقتى باقىلاۋدا.
وبلىس اكىمى جوسپارلانعان بارلىق جوبالاردىڭ ۋاقىتىندا ىسكە اسرىلۋىن قامتاماسىز ەتۋدى تاپسىردى. جۇمىس بارىسىن كۇشەيتىپ, تۇراقتى مونيتورينگ جۇرگىزۋدى جۇكتەدى.
«اۋىل – ەل بەسىگى» جوباسىنىڭ نەگىزگى ماقساتى – اۋىل تۇرعىندارىنىڭ ءومىر ءسۇرۋ ساپاسى مەن ءال-اۋقاتىن جاقسارتۋ.
جيىندا بيۋدجەتكە تۇسىمدەر ءتۇسىرۋ جانە بيۋدجەتتى يگەرۋ بارىسى دا تالقىلاندى. تۇركىستان وبلىسى جىلدىق بيۋدجەتتى يگەرۋ بويىنشا رەسپۋبليكادا الدىڭعى ورىندا كەلەدى. ءوڭىر باسشىسى قارجىنى ءتيىمدى يگەرىپ, ەل ءۇشىن ماڭىزدى جوبالار مەن قۇرىلىس جۇمىستارىن جالعاستىرۋدى تاپسىردى.
