ەكونوميكا • 11 مامىر، 2022

قازاقستاندا ونلاين-كرەديتكە تىيىم سالىنۋى مۇمكىن

34 رەت كورسەتىلدى

ءماجىلىس دەپۋتاتى ءدانيا ەسپاەۆانىڭ ايتۋىنشا، ميكروقارجى ۇيىمدارىنداعى پروبلەمالىق قارىز ۇلەسى جىل سايىن ءوسىپ كەلەدى، دەپ حابارلايدى Egemen.kz. 

«بانكروتتىق – ماسەلەنىڭ سالدارى ەكەنىن ەستە ۇستاعان ءجون، ال ونىڭ سەبەبى باسقادا جاتىر. حالىق تابىسىنىڭ تومەن بولۋى، پايىزدىق مولشەرلەمەلەردىڭ شامادان تىس جوعارى بولۋى جانە جەكە تۇلعالارعا نەسيەنىڭ تىم قولجەتىمدى بولۋى بانكروتتىققا اكەپ سوعادى. حالىقتىڭ نەگىزگى بولىگىنىڭ تابىسىنىڭ تومەندىگى ولاردى باسپانانى جالعا الۋ، بالالاردى وقىتۋ، باسقا بانكتە اي سايىن نەسيە تولەۋ، ازىق-ت ۇلىك جانە باسقا دا قاجەتتىلىكتەر ءۇشىن ونلاين-قارىز الۋعا ءماجبۇر ەتەدى. كەپىلسىز قارىز تەز جانە تابىس دەڭگەيىن ەسكەرمەي بەرىلۋى، جوعارى پايىزدىق مولشەرلەمە تۇرىندەگى سىن-قاتەر حالىقتىڭ جاپپاي كرەديتتەلۋىنە ىقپال ەتەدى»، دەدى ەسپاەۆا ءماجىلىستىڭ جالپى وتىرىسىندا.

 

ءماجىلىس دەپۋتاتىنىڭ ايتۋىنشا، حالىقتىڭ قارىز تۇزاعىنا ءتۇسۋىنىڭ نەگىزگى سەبەبى – جوعارى پايىزدار بولىپ وتىر، سونىڭ سالدارىنان ولار ءوز مۇلكىنەن، سونىڭ ىشىندە جالعىز باسپاناسىنان ايىرىلۋى مۇمكىن.

«ميكروقارجى ۇيىمدارىنداعى پروبلەمالىق قارىز ۇلەسى جىل سايىن ءوسىپ كەلەدى. 2022 جىلعى ناۋرىزداعى جاعداي بويىنشا 1 212 مىڭ قارىزدىڭ 435 مىڭى پروبلەمالىق بولعان. مەرزىمى وتكەن قارىزدار – 479 مىڭ قارىز الۋشى نەمەسە جارتىسىنان استامى كوللەكتورلىق كومپانيالارعا ساتىلدى. وسىلايشا، ميكروقارجى ۇيىمدارىنىڭ پورتفەلىندەگى پروبلەمالىق قارىزداردىڭ جالپى سانى 914 مىڭ نەمەسە جارتىسىنان استامىن قۇرايدى. قازىر ۇلتتىق ەكونوميكانى نەسيەلەندىرۋدى قىسقارتۋ، جۇمىس ورىندارى مەن حالىق تابىسىنىڭ ءوسۋىن تەجەۋ ءجۇرىپ جاتىر. جەڭىل بولىپ كورىنەتىن ينتەرنەتتەگى نەسيە بەرۋدىڭ ايلا-امالدارى دا ادامداردى قۇلدىققا يتەرمەلەۋدە. بۇل «جەكە تۇلعالاردىڭ بانكروتتىعى تۋرالى» زاڭنىڭ قابىلدانۋىن قاجەت ەتتى»، دەدى ءدانيا ەسپاەۆا.

وسىعان بايلانىستى «اق جول» فراكتسياسىنىڭ دەپۋتاتتارى ونلاين-كرەديتتەۋگە تىيىم سالۋدى ۇسىندى.

ايانا توعانبەك



سوڭعى جاڭالىقتار

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

كولىكقۇمارلارعا ارنالدى

ەكونوميكا • كەشە

قىمبات ەم-دوم قولجەتىمدى

مەديتسينا • كەشە

ۇقساس جاڭالىقتار