قر قورعانىس ءمينيسترىنىڭ ورىنباسارى سۇلتان قامالەتدينوۆتىڭ ايتۋىنشا, بۇل كەلىسىم 2021 جىلعى 7 جەلتوقساندا نۇر-سۇلتان قالاسىندا جاسالعان.
«كەلىسىم بويىنشا اسكەري م ۇلىك ءبىر رەت بەرىلەدى. ونىڭ اتاۋى مەن كولەمى ديپلوماتيالىق ارنا ارقىلى كەلىسىلدى. قازاقستان تاراپى م ۇلىكتى قىرعىزستاننىڭ قويتاش ەلدى مەكەنىنە دەيىن اۆتوكولىكپەن جەتكىزىلەدى. شىعىندى ءوزى كوتەرەدى. قىرعىزستان تاراپى العان م ۇلىكتى تەك قاۋىپسىزدىكتى قامتاماسىز ەتۋ ءۇشىن پايدالانا الادى, ءۇشىنشى تاراپقا بەرمەيدى. تمد قاتىسۋشى مەملەكەتتەرگە قارسى قولدانبايدى», دەدى سۇلتان قامالەتدينوۆ ءماجىلىس وتىرىسىندا.
ونىڭ ايتۋىنشا, ورتالىق ازياعا ىرگەلەس اۋماقتا شيەلەنىس بولعاندا, وڭىرلىك قاۋىپسىزدىككە سىن-قاتەر تونگەن جاعدايدا اسكەري-تەحنيكالىق كومەك كورسەتۋ قىرعىزستان قارۋلى كۇشتەرىنىڭ وعان تويتارىس بەرۋىنە, ورتالىق ازيا ءوڭىرىنىڭ قاۋىپسىزدىگىن نىعايتۋعا مۇمكىندىك بەرەدى.
«زاڭ جوباسىن قابىلداۋ بيۋدجەتتەن قوسىمشا قاراجات قاجەت ەتپەيدى, تەرىس الەۋمەتتىك-ەكونوميكالىق قۇقىقتىق سالدارعا اكەپ سوقپايدى», دەدى سپيكەر.
ءماجىلىس كوميتەتتەرى كەلىسىمدى وڭ باعالاپ, ونى راتيفيكاتسيالاۋدى ۇسىنادى.
