قازاقستاننىڭ جۇپتىق سىنداعى ءبىرىنشى, الەمنىڭ 20-راكەتكاسى اننا دانيلينا رەسەيلىك ەكاتەرينا الەكساندروۆامەن بىرگە العاشقى اينالىمدا يتاليالىقتار كلاۋديا دجوۆينە – اناستاسيا گريمالسكامەن كورتقا شىقتى.
قازاقستاندىق-رەسەيلىك جۇپ ءبىر ساعاتتان استام ۋاقىتقا سوزىلعان ماتچتا 6:3, 6:4 ەسەبىمەن جەڭىسكە جەتتى.
ا.دانيلينا مەن ە.الەكساندروۆا شيرەك فينالعا شىعۋ ءۇشىن جارىستىڭ 2-راكەتكالارى, كانادالىق گابريەلا دابروۆسكي – مەكسيكالىق دجۋليانا ولموسپەن تالاسادى.
ە.رىباكينا تاعى ءبىر رەسەيلىك ليۋدميلا سامسونوۆامەن بىرگە باستاپقى كەزدەسۋىن بەلگيالىق كيرستەن فليپكەنس – يسپانيالىق سارا سورريبەس-تورمومەن وتكىزدى.
بۇل ماتچ الدەقايدا تارتىستى ءوربىدى.
ءبىرىنشى پارتيادا قازاقستاندىق-رەسەيلىك جۇپ 6:4 ەسەبىمەن باسىمدىلىق تانىتسا, ەكىنشىسىندە قارسىلاستارى ەسە قايىردى – 2:6.
سۋپەر تاي-برەيكتە ە.رىباكينا مەن ل.سامسونوۆا جەڭىستى ج ۇلىپ الدى – 11:9.
تارتىستى باسەكە ساعات جارىمعا سوزىلدى.
ە.رىباكينا مەن ل.سامسونوۆانىڭ ەكىنشى اينالىمداعى قارسىلاستارى كەيىن انىقتالادى.
ايانا توعانبەك
