ۆەدومستۆونىڭ ءباسپاسوز قىزمەتىنىڭ مالىمەتىنشە, ارنايى قىزمەتتەر ۇيىمداردىڭ كوممۋنالدىق قىزمەتتەرىنىڭ ارنايى تەحنيكالارى مەن سۋ ايداۋ قۇرىلعىلارىن تارتا وتىرىپ, جاڭبىر سۋلارىن سورۋ جۇمىستارىن جۇرگىزۋدە.
«توپان سۋ سالدارىن جويۋعا قاتىسۋ ءۇشىن اسكەري ءبولىم كومانديرىنىڭ تەحنيكا جانە قارۋ-جاراق جونىندەگى ورىنباسارى مايور بەرىكبول تاقىروۆتىڭ باسشىلىعىمەن 60 اسكەري قىزمەتشى جانە 3 بىرلىك تەحنيكا كومەككە تارتىلدى. قۇتقارۋ جۇمىستارى بارىسىندا ۇلاڭدىقتار سۋ باسۋدىڭ الدىن الۋ ءۇشىن ۇيلەردىڭ اينالاسىنا قۇم سالىنعان قاپتار سالدى, سونداي-اق جول كوشەلەرىن نىعايتۋ جۇمىستارى جۇرگىزىلدى», - دەلىنگەن حابارلامادا.
ەسكە سالا كەتەيىك, 6-7 مامىردا جاڭاوزەندە 88 ءۇيدى, 43 اۋلا اۋماعىن, 27 كوشەنى, ءۇش مەكتەپتىڭ, بالاباقشانىڭ جەرتولەلەرىن سۋ باستى. سونداي–اق, جەكە سەكتوردىڭ 200 ابونەنتى ەلەكترمەن جابدىقتاۋدى توقتاتتى. جاڭاوزەن اكىمدىگى جانىنان شتاب قۇرىلدى.
قاراقيا اۋدانىندا جاڭبىر سۋى 7 ۇيگە جانە 4 اۋلاعا زيان كەلتىردى. ماڭعىستاۋ اۋدانىندا 2 تۇرعىن ءۇي مەن 4 اۋلا اۋماعى زارداپ شەكتى, جاۋىن-شاشىننىڭ سالدارى جويىلدى.
