وسىلايشا, دانيار يسكەنديروۆ, قانات كونكۋباەۆ, ۆلاديمير نەستەروۆ, ابىلاي بۇركىتباي قۇرامىندا سىنعا تۇسكەن قازاقستان كومانداسى سۋردليمپيادا ويىندارىن ءۇشىنشى ورىنمەن قورىتىندىلادى. سونىمەن, 1-ورىندا –ۋكراينا, 2-ورىندا – تايپەي, ال قازاقستانمەن قاتار 3-ورىندا جاپونيا تۇر.
دزيۋدودان كوماندالىق كەزدەسۋلەردە ەرلەر اراسىندا ەل نامىسىن ايدوس تۇگەلباەۆ, شاياحمەت قاناپيانوۆ, ادىلبەك نۇرمۇحامەدوۆ, اسحات ادامباەۆ, ەرمەك جانىبەك ۇلى, سابىرجان حاپيزوۆتار قورعادى.
«ۇلتتىق سۋردليمپيادا كوميتەتى جەكەلەي سىندا 81 كەلىدە جارىسقا شىعۋ كەرەك بولعان ايدوس تۇگەلباەۆتىڭ ورنىنا بۇعان دەيىن ىرىكتەۋ جارىسىنا قاتىسپاعان, سونداي-اق ۇلتتىق شتاتتىق كوماندا ساپىندا جوق, الايدا دەنى ساۋ سپورتشىلار اراسىندا كۇرەسىپ جۇرگەن ەركەبۇلان قانافيندى قويعان بولاتىن.
دەگەنمەن, بۇگىن كوماندالىق باسەكەدە باق سىناعان ايدوس كۇنى كەشە ءدال وسى جارىستا 90 كەلىدە كۇمىس جۇلدەگەر اتانعان يران سپورتشىسى اللاحكاريمي حوسسەيندى ايقىن باسىمدىقپەن جەڭدى. ايدوستىڭ شەشۋشى كەزەڭدەگى جەڭىسى كوماندالىق ەسەپتە سپورتشىلارىمىزدى ءۇشىنشى ورىنعا شىعاردى», - دەپ جازىلعان مينيسترلىك حابارلاماسىندا.
سونداي-اق, تاەكۆاندودان سپورتشىلارىمىز ولجاس رىسجانوۆ پەن ايجامول ابديكاتوۆا كوماندالىق ەسەپتە قولا جۇلدەنى يەلەنسە, ولجاس جەكەلەي سىندا تاعى ءبىر قولا جۇلدەنى قانجىعاسىنا بايلادى.
