كاسىپ اشقىسى كەلگەندەرگە كومەك بولماق

مەملەكەت باسشىسى نۇرسۇلتان نازارباەۆ وتكەن جۇمادا ۇلتتىق ينۆەستورلار كەڭەسىنىڭ وتىرىسىن وتكىزىپ, وندا وتاندىق كاسىپكەرلىكتى دامىتۋدىڭ وزەكتى ماسەلەلەرىن تالقىلاعان بولاتىن. سول جيىندا ايتىلعان ەلباسى تاپسىرمالارىنا وراي سەنبى كۇنى ورتالىق كوممۋنيكاتسيالار قىزمەتى ارنايى بريفينگ ۇيىمداستىردى. وعان ۇلتتىق كاسىپكەرلەر پالاتاسى باسقارماسىنىڭ توراعاسى ابىلاي مىرزاحمەتوۆ قاتىستى. بريفينگ بارىسىندا ۇلتتىق كاسىپكەرلەر پالاتاسى توراعاسى پرەزيدەنتتىڭ بيزنەستى دامىتۋ باعىتىنداعى تاپسىرمالارىن ورىنداۋ جوسپارى 10 كۇن ىشىندە دايىن بولاتىنىن جەتكىزدى. «بۇل جوسپارعا شۇعىل, تاياۋ 2-3 ايدىڭ ىشىندە شەشىلۋى ءتيىس تاپسىرمالار ەنگىزىلەدى. جوسپار جوباسى كەشە وڭىرلىك دامۋ مينينسترىگىندە قارالدى, قازىر نوبايى بار»,  دەدى ول. بۇل رەتتە ارنايى جۇمىس توبى قۇرىلماق. وعان پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ جەتەكشىلىك جاسايدى. جۇمىس توبىنىڭ قۇرامىندا كاسىپكەرلەر دە بولماق. ءىس-شارالار جوسپارى ءبىرىنشى كەزەكتە كاسىپكەرلىكتى قولداۋعا باعىتتالعان بارلىق باعدارلامالاردى قامتۋى ءتيىس. بۇل باعدارلامالاردى توپتاستىرۋ ءۇشىن سارالاپ, تەكسەرۋ قاجەت,  دەدى باسقارما توراعاسى. سونداي-اق, وسى اپتادا ال­ما­تىدا كاسىپكەرلەرمەن ۇلكەن باسقوسۋ وتكىزۋدى جوسپارلاپ وتىر­عاندىعىن مالىمدەگەن ا.مىر­زاح­مەتوۆ مۇنداي وتىرىس­تار بارلىق وڭىرلەردە جالعا­سىن تاباتىندىعىن ايتىپ ءوتتى. وندا كەڭەس وتىرىسىندا اي­تىل­عان ەلباسى تاپسىرمالارى كا­سىپكەرلەرگە ەگجەي-تەگجەي­ل­ى ءتۇ­سىن­دىرىلىپ, جەر-جەردە تالقىلانادى. شاعىن جانە ورتا بيز­نەستى دامىتۋ – ەلباسىنىڭ «قا­زاقستان-2050» ستراتەگياسىنداعى باستى ءمىن­دەتتەردىڭ ءبىرى. كا­سىپ­كەرلىكتى دامىتۋ ارقىلى ورتا تاپتى,  اۋ­قات­تىلار قاتارىن اتتىرۋعا ءمۇم­كىندىك بار. ياعني, كاسىپكەرلىك ار­قىلى ەل ەكونوميكاسىن كوتەرىپ, حالىقتىڭ ءال-اۋقاتىن جاقسارتۋعا جول اشىلماق. وسىنى مەڭزەگەن ۇلتت­ىق كاسىپكەرلەر پالاتاسى باس­قارماسىنىڭ توراعاسى كاسىپ­كەر­لىكپەن اينالىسامىن دەگەن بارلىق ازاماتتارعا جاعداي جاساۋ باستى مىندەتىمىز دەيدى. بۇل جالپى بيلىك سالاسىنداعىلاردىڭ, سونداي-اق, وزدەرى سياقتى مەملەكەتتىك ەمەس ۇيىمداردىڭ نەگىزگى يدەولوگياسى, كۇندەلىكتى جۇمىسىنىڭ وزەگى بولۋى ءتيىس. بۇدان ءارى ۇلتتىق پالاتا ءتور­ا­عاسى ەلباسىنىڭ كەڭەس وتىرىسىندا بەرگەن تاپسىرمالارىنا جەكە-جەكە توقتالىپ, سوعان وراي قولعا الىناتىن ءىس-شارالار لەگىمەن ءبولىستى.  ونىڭ ىشىندە بۇقارالىق كاسىپكەرلىك, اۋىلدىق بيزنەستى دامىتۋ جانە دۋالدى ءبىلىم بەرۋ جۇيەسىنىڭ نەگىزىندە كاسىپتىك-تەح­نيكالىق ءبىلىم بەرۋدى دامىتۋ ماسە­لەلەرىن كەڭىنەن اڭگىمەلەدى. ەلباسىنىڭ ۇلتتىق پالاتاعا جۇكتەگەن تاعى ءبىر تاپسىرماسى الداعى ەكسپو-2017 كورمەسى نىسان­دارىنىڭ قۇرىلىسىنا قازاق­ستاندىق بيزنەستى تارتۋ بويىنشا ارنايى باعدارلاما دايىنداۋ بولاتىن. وسى باعىتتا دا پالاتا بىرقاتار ءىس-شارانى جوسپارلاپ, بۇگىندە ونىڭ كەيبىرىن باستاپ تا كەتكەندىگىن ايتتى. سونىمەن قاتار, ا.مىرزاحمەتوۆ وڭىرلىك بيزنەستى دامىتۋ, وڭىرلىك ەلەكتروندى كارتانى جاساۋ تۋرالى بايان­دادى. اۋىلدىق بيز­نەستى دامىتۋدا بۇگىندە نەگىزگى ماسەلە قارجى مەن كەپىلدىككە قولجەتىمدىلىكتىڭ بولماۋىندا بولىپ وتىر, دەيدى ا.مىرزاحمەتوۆ. بۇل ماسەلەگە تالداۋ جاساي كەلىپ, كاسىپكەرلەر پالاتاسى ءوز بيزنەسىن اشۋعا نيەتى بارلار ءۇشىن كەپىلدەندىرۋ قورىن قۇرىپ, تۇركياداعى ارىپتەستەردىڭ تاجىريبەسىن پايدالانۋدى ۇسىنىپ وتىر. ا.مىرزاحمەتوۆ توقتالعان تاعى ءبىر ماسەلە – كەيبىر وڭىرلىك  شە­نەۋ­نىكتەر بيزنەس وكىلدەرىمەن كەز­دەسۋگە, ولاردىڭ پروبلەماسىن تالقىلاۋعا مويىن بۇرماي وتىرعاندىعى. ونىڭ ايتۋىنشا, شەنەۋنىكتەر بيزنەسمەندەرمەن كەزدەسۋگە ۋاقىتتارى جەتپەي­تىن­دىكتەرىن ايتىپ سىلتاۋراتۋدا. بىراق بۇل ماسەلە بولاشاقتا قاتاڭ باقىلاۋعا الىنباق, تاپ­سىر­مانى ورىنداماعاندار ءتىپتى جازالانۋى مۇمكىن. سەبەبى, بيز­نەستى دامىتۋ – ەلباسىنىڭ تىكە­لەي باقىلاۋىنداعى ماڭىزدى سترا­تەگيالىق مىندەت. بريفينگ بارىسىندا ا.مىر­زاح­مەتوۆ جۋرناليستەر تاراپىنان قويىلعان كاسىپ اشۋعا نيەتتەنگەن ادامدار ءۇشىن «دامۋ» قورىنان سۋبسيديا الۋ نەگە قيىن دەگەن سۇراققا قاتىستى دا پىكىرىن ءبىلدىردى. «دامۋ ءوزىنىڭ پايدالى جۇمىستارىن جاساپ تا جاتىر. بىراق, وكىنىشكە وراي, سوڭعى 3-4 جىلدا دامۋ ينستيتۋتتارى دامۋ ەمەس, تەك قانا ءبىر جەردەن اقشانى الىپ, ەكىنشى جەرگە سالاتىن, سونىڭ اراسىندا تاپقان دەپوزيتكە ءومىر سۇرەتىن ينستيتۋت بولىپ كەتتى. ونى جاسىراتىن ەشنارسە جوق», دەدى ا.مىرزاحمەتوۆ. ول «دامۋ» قورىنىڭ سۋبسيديانىڭ ارقاسىندا 4 مىڭعا جۋىق كاسىپكەر ءوز بيزنەسىن دوڭگەلەتىپ وتىرعاندىعىن العا تارتا كەلە, الايدا, بيزنەسىن ەندى باستاعىسى كەلگەن كاسىپكەرلەرگە قور قارجىلاي كومەك بەرە المايتىنىن ايتتى. سەبەبى, ونىڭ سۋبسيدياسى كاسىپپەن اينالىسىپ جۇرگەندەردىڭ ءىسىن ودان ءارى دامىتۋعا ارنالعان. سوندىقتان ۇلت­تىق كاسىپكەرلەر پالاتاسى كاسىبىن ەندى باستايتىن ازامات­تارعا قارجىلاي قولداۋ ءبىلدى­رەتىن ارنايى قور قۇرۋ ماسەلەسىن ۇكىمەتكە ۇسىنۋدا. ول – جوعارىدا اتالعان كەپىلدەندىرۋ قورى. «الداعى ۋاقىتتا, ۇكىمەتكە ءوز ۇسى­نىستارىمىزدى جەتكىزەتىن بولا­مىز. بۇل باستاما «دامۋ» قورى­مەن, بانكتەرمەن بىرگە جۇزەگە اسىرىلماق», دەدى ا.مىرزاحمەتوۆ. دينارا بىتىكوۆا, «ەگەمەن قازاقستان».