وڭىرلىك بولىنىستە ءبىر ايدا اقمولا وبلىسىنىڭ تۇرعىندارىنا باعانىڭ وسكەنى قاتتى ءبىلىندى (9,5%). انتي ليدەرلەردىڭ ۇشتىگىندە الماتى وبلىسى (7,7%) جانە الماتى (6,1%) قالاسى بار. قازاقستاننىڭ 17 ءوڭىرىنىڭ 4-ەۋىندە باعالار بۇرىنعى دەڭگەيدە قالدى. جىل باسىنان بەرى باعا تۇركىستان وبلىسىندا بىردەن 12,5%-عا, اقمولا وبلىسىندا — 9,5%-عا, الماتى وبلىسىندا - 8,5%-عا ءوستى.
ايلىق ديناميكادا دارىگەردىڭ العاشقى قابىلداۋى ناۋرىز ايىندا 4,3%-عا, ستوماتولوگيالىق قىزمەتتەر — 3,4%-عا, مەديتسينالىق زەرتحانالار مەن رەنتگەن كابينەتتەرىنىڭ قىزمەتتەرى — 3%-عا, امبۋلاتوريالارداعى مامان دارىگەرلەردىڭ قىزمەتتەرى - 2,4%-عا قىمباتتادى.
وسى جىلدىڭ ناۋرىز ايىندا دارىگەردىڭ العاشقى قابىلداۋى ەل بويىنشا ورتاشا ەسەپپەن 3,9 مىڭ تەڭگەنى قۇرادى. ءىرى قالالار اراسىندا العاشقى قابىلداۋ اتىراۋ (5,2 مىڭ تگ), نۇر-سۇلتان (5,1 مىڭ تگ) جانە الماتى (4,9 مىڭ تگ) قالالارىندا قىمبات بولدى. ەڭ ارزان قىزمەت تۇركىستاندا (2,5 مىڭ تگ).
