قوعام • 06 مامىر، 2022

الەۋمەتتىك نان مەن تاۋارلار باعاسى تۇراقتاندىرىلۋدا

36 رەت كورسەتىلدى

الماتىلىق وندىرۋشىلەر قالا دۇكەندەرى سورەلەرىنە الەۋمەتتىك ناندى جەتكىزۋدى جالعاستىرۋ ءۇشىن سۋبسيديا الادى. قالانىڭ ەكونوميكالىق احۋالى تۋرالى بايانداعان كاسىپكەرلىك جانە ينۆەستيتسيالار باسقارماسىنىڭ باسشىسى ەركەبۇلان ءورازاليننىڭ ايتۋىنشا، «ازىق-ت ۇلىك كورپوراتسياسى» ۇك» اق قورىنان قالاداعى ۇن تارتاتىن كاسىپورىندارعا سۋبسيديالانعان استىقتى جەتكىزۋ جۇمىستارى جالعاسۋدا. وسى ورايدا الەۋمەتتىك ناننىڭ ساتۋ باعاسىن بەكىتۋ ءۇشىن «الماتىنان» جشس-نا 150 ملن تەڭگە كولەمىندە اينالىم زاەمىن ءبولۋ جوسپارلانۋدا.

ال الەۋمەتتىك ماڭىزى بار ازىق-ت ۇلىك تاۋارلارىنىڭ باعا­سىن تۇراقتاندىرۋ ءۇشىن «تويمارت» جانە «ماگنۋم» ساۋدا جەلىلەرىمەن كەلىسىمشارت ۇزارتىلىپ، Small جەلىسىنە، سونداي-اق «كوگەر» جشس-نا جۇمىرتقانى ارزانداتىلعان باعامەن ساتۋعا قوسىمشا قاراجات ءبولىنىپ وتىر. ە.ورازالين سونىمەن بىرگە قالادا «ۆ»، «س» ساناتتاعى دۇكەندەردەگى با­عالارعا مونيتورينگ جۇرگىزىلىپ جاتقانىن جەتكىزدى. سپيكەردىڭ ايتۋىنشا، ءىرى ديستريبيۋتورلار مەن وندىرۋشىلەردەن كوتەر­مە باعامەن باكالەيا ونىم­دەرىن تىكەلەي جەتكىزۋ ۇيىم­داستىرىلعان. جەتكىزۋمەن مىڭنان استام ء«ۇي جانىنداعى» دۇكەندەر قامتىلىپ، سەگىز اتاۋلى تاۋار ءتۇرى بو­يىن­شا شامامەن 1،5 مىڭ توننا ءونىم جونەلتىلگەن.

بۇگىندە قالادا ءى توقساننىڭ قورى­تىندىسىنا سايكەس ەكونوميكانىڭ قار­قىندىلىعى مەن ىسكەرلىك بەلسەندىلىگى قال­ىنا كەلە باستادى. الدىڭعى ءۇش ايدا 19،8 پايىز وسىمگە قول جەتكىزىپ، 248 ملرد تەڭگەدەن استام ينۆەستيتسيا تارتىلعان. ينۆەستيتسيانىڭ ەداۋىرى جىلجىمايتىن م ۇلىك (131،4 ملرد تەڭگە)، كولىك جانە قويما  (27،2 ملرد تەڭگە)، ونەركاسىپ (20،4 ملرد تەڭگە)، قارجى جانە ساقتاندىرۋ قىز­مەتى (14،8 ملرد تەڭگە) سالالارىنا تار­تىلعان.

ونەركاسىپ ونىمدەرىن ءوندىرۋ كولەمى وڭ ديناميكانى كورسەتىپ وتىر. ءبىرىنشى توقساندا 387،8 ملرد تەڭگەنىڭ ءونىمى وندىرىلگەن. وڭدەۋ ونەركاسىبى 18 پايىزعا ءوسىپ، بۇل اسىرەسە ماشينا ون­دىرىسىندە بايقالىپ وتىر. ءوسىم تاماق ونىمدەرى وندىرىسىندە – 1،6، سۋسىنداردا – 10،5 پايىزعا، جەڭىل ونەركاسىپتە 2،9 ەسەگە وسكەنى بايقالادى.

جەكە كاسىپكەرلىك قارقى­نىنىڭ ناتي­جەلى ەكەنىن العا تارتقان سپيكەر جۇمىس ىستەپ تۇرعان شوب سۋبەكتىلەرىنىڭ سانى وتكەن جىلدىڭ سايكەس كەزەڭىمەن سالىستىرعاندا 10،5 پايىزعا ءوسىپ، 217 822 نىساندى قۇراعانىن جەتكىزدى. قالادا سونىمەن بىرگە ءداستۇرلى ساۋدا زاماناۋي وركەنيەتتى فورماتقا كوشىرىلۋدە. ناتيجەسىندە 16 بازار جاڭارتىلىپ، بيز­نەستى كولەڭكەدەن شىعارۋ ماقسا­تىن­داعى جۇمىستار جالعاسىن تاۋىپ كەلەدى. جىل سوڭىنا دەيىن «بايسات»، «قازىنا»، «كەنجەحان» جانە «بارىس-4» جاڭارتۋ جۇمىستارى اياقتالادى. بۇگىندە قالادا 20 مىڭنان استام كاسىپكەر بيزنەسىن جۇرگىزىپ وتىرعان 52 بازار بار. قازىرگى ۋاقىتتا 28 بازار جاڭارتىلىپ، 25 ملرد تەڭگەدەن استام ينۆەستيتسيا سالىنعان. مۇنداعى جۇمىس ورىندارىنىڭ سانى 3،4 مىڭعا ارتىپ وتىر.

 

الماتى

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار