ەنەرگەتيكا ءمينيسترى بولات اقشولاقوۆ شاعىن مۇناي وڭدەۋ زاۋىتتارى شىعاراتىن ءونىمنىڭ ساپاسىن ارتتىرۋ ءۇشىن ولاردى تەحنيكالىق رەتتەۋ تالاپتارىن كۇشەيتۋدى ۇسىندى.
سونداي-اق ەاەو تەحنيكالىق رەگلامەنتىنە سايكەس كەلمەيتىن مۇناي ونىمدەرىن شىعاراتىن شاعىن ءموز-دەرگە سالىقتىق جانە كەدەندىك جەڭىلدىكتەردى الىپ تاستاۋ ۇسىنىلدى.
مۇناي وڭدەۋ زاۋىتتارىنان ججم جونەلتۋ كەزىندە تەمىرجول قىزمەتتەرىن كورسەتۋ تۇرعىسىنان باعانىڭ نەگىزسىز ءوسۋىن جانە جەكەلەگەن كومپانيالاردىڭ باسەكەسىز قىزمەتىن بولدىرماۋ ءۇشىن تاريفتەردى تومەندەتۋ ۇسىنىلدى.
سونىمەن قاتار پرەمەر-مينيستر ەنەرگەتيكا مينيسترلىگىنە سۋبەكتىلەردىڭ شەكتەۋلى توبىنا جەڭىلدىكتەر ۇسىنباۋ (تەگىن ساقتاۋ) ءۇشىن نارىقتىڭ بارلىق قاتىسۋشىسىنا ءموز-دە مۇناي ونىمدەرىن ساقتاۋدىڭ بىرىڭعاي رەگلامەنتىن ازىرلەۋدى تاپسىردى.
مۇناي وڭدەۋ زاۋىتتارىندا نەگىزسىز وندىرىستىك شىعىنداردى بولدىرماۋ ماقساتىندا ولاردىڭ باقىلاۋ جانە قاۋىپسىزدىك جۇيەلەرىنە اۋديت جۇرگىزۋ تاپسىرىلدى. «بۇل باعىتتا بۇكىل تەحنولوگيالىق پروتسەستى قامتي وتىرىپ, باقىلاۋدىڭ تسيفرلىق تەحنولوگيالارىن ەنگىزۋ قاجەت», دەدى ءا.سمايىلوۆ.
جالپى ۇكىمەت باسشىسى ايتىلعان ۇسىنىستاردى قولداپ, كەيبىرەۋىنە تۇزەتۋلەر ەنگىزۋدى جانە ولاردى ىسكە اسىرۋ ماسەلەلەرىن پىسىقتاۋدى تاپسىردى.
سونداي-اق سۇيىتىلعان گاز نارىعىن, اتاپ ايتقاندا, ونىڭ ءونىمىن ونەركاسىپتىك قايتا وڭدەۋشىلەرگە ساتۋ, تاسىمالداۋ جانە ساقتاۋ بويىنشا دەمونوپوليزاتسيالاۋ شارالارى قارالدى.
پرەمەر-مينيستر ۋاكىلەتتى مەملەكەتتىك ورگاندارعا باعالىق ءسوز بايلاسۋعا اكەلەتىن جاعدايلاردى انىقتاۋ جۇمىستارىن جۇرگىزۋدى جانە وسى سالاعا قاجەتتى نارىق تەتىكتەرى بويىنشا ۇسىنىستار ەنگىزۋدى تاپسىردى.
