شىمكەنت قالاسى جانە تۇركىستان وبلىسى بويىنشا قاج دەپارتامەنتىنىڭ جەدەل ءبولىمىنىڭ قىزمەتكەرلەرى ءپورتاتيۆتى كامەراسى بار ەرەكشە سالەمدەمەنىڭ كولونيا اۋماعىنا كىرۋىنىڭ الدىن الدى. سوتتالعانداردىڭ ءبىرىنىڭ اتىنا پوشتامەن كەلگەن باندەرولدى تەكسەرۋ بارىسىندا جاسىرىن ميكرو-بەينەباقىلاۋ كامەراسى ورناتىلعان ارنايى كوزىلدىرىك الىنىپ, تاركىلەندى. «توسىن سىيى» بار سالەمدەمە شامامەن بۇرىن سوتتى بولعان, قازىرگى كەزدە مەكەمەدە اۋىر جانە اسا اۋىر قىلمىستار (ادام ۇرلاۋ, بوپسالاۋ, تەرروريزم) ءۇشىن 14 جىلعا سوتتالعان ازاماتتىڭ اتىنا كەلگەن.
اتالعان فاكتى بويىنشا وقيعا ورنىنا جەدەل-تەرگەۋ توبى كەلىپ, ماتەريالدار پروتسەسسۋالدىق شەشىم قابىلداۋ ءۇشىن جولداندى. بىرنەشە رەت ەسكەرتۋلەرگە, سونداي-اق زاڭسىز ءىس-ارەكەتتەرگە قارسى جۇرگىزىلەتىن شارالارعا قاراماستان, پەنيتەنتسيارلىق مەكەمەنىڭ اۋماعىندا پايدالانۋعا تىيىم سالىنعان زاتتار مەن تاۋارلاردىڭ ءتۇسۋى ءالى دە جالعاسۋدا.
«جىل باسىنان بەرى شىمكەنت قالاسى مەن تۇركىستان وبلىسى بويىنشا قىلمىستىق-اتقارۋ جۇيەسىنىڭ قىزمەتكەرلەرى سالەمدەمەلەر مەن باندەرولدەر ارقىلى كەلەتىن تىيىم سالىنعان زاتتاردى بەرۋدىڭ 20-دان استام ارەكەتىنىڭ جولىن كەستى. كوبىنەسە بۇل ەسىرتكى زاتتارى مەن ۇيالى تەلەفوندار. الايدا ءبىز ءۇشىن بۇنداي ەرەكشە قۇرىلعىنىڭ تاركىلەنۋى العاش رەت بولىپ وتىر. بۇعان دەيىن وڭىردە وسىعان ۇقساس فاكتىلەر تىركەلمەگەن», دەيدى وڭىرلىك قاج دەپارتامەنتى.
