اقمولا وبلىسى تجد ءباسپاسوز قىزمەتىنىڭ مالىمەتىنشە, قايعىلى وقيعا بۇگىن 5 مامىردا كوكشەتاۋدىڭ ىرگەسىندەگى كراسنويار اۋىلىندا بولعان.
«اقمولا وبلىسىندا ورتتەن جاس وتباسى قازا تاپتى. تۇنگى ساعات 03:54-تە كراسنويار اۋىلىندا ءبىرىنشى قاباتتاعى پاتەردە ءورت شىققانى تۋرالى حابارلاما كەلىپ ءتۇستى. ءتىلسىز جاۋدى اۋىزدىقتاۋعا كوكشەتاۋ قالاسىنىڭ №1 ماماندىندىرىلعان ءورت ءسوندىرۋ بولىمشەسى مەن سادوۆوە اۋىلىنداعى №29 ءورت ءسوندىرۋ بەكەتىنىڭ كۇش-قۇرالدارى جۇمىلدىرىلدى», دەدى ۆەدومستۆودان.
انىقتالعانداي, ءورت سوندىرۋشىلەر كەلگەنگە دەيىن پاتەردىڭ تەرەزەسىنەن 58 جاستاعى ايەل مەن ونىڭ جەتى جاسار نەمەرەسى ءوز بەتىنشە ەۆاكۋاتسيالاندى.
ءورتتى ءسوندىرۋ بارىسىندا ەكى ەرەسەك ادام – 31 جاستاعى ەر ادامنىڭ, 29 جاستاعى ايەل مەن ءتورت جاسار ەكى بالانىڭ دەنەسى تابىلدى.
ء«ورت اۋدانى 50 شارشى مەتر بولاتىن پاتەردە بولعان. ءورتتىڭ الدىن الا سەبەبى - ەلەكتر سىمدارىنىڭ قىسقا تۇيىقتالۋى. ساعات 04:50-دە ءورت ءسوندىرىلدى», - دەپ تولىقتىردى ۆەدومستۆودان.
قازىر وقيعا ورنىندا سىناق زەرتحاناسى جۇمىس ىستەپ جاتىر.
