ول ءۇشىن حالىققا قىزمەت كورسەتۋ ورتالىقتارىندا 8 قىزمەت بويىنشا قاعاز تۇرىندە بەرىلەتىن قولحاتتى قىسقارتتى. جاقىن ارادا بارلىق مەملەكەتتىك قىزمەت قولحاتسىز كورسەتىلەتىن بولادى.
«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما توراعاسى سۇيەنىش ءابدىلديننىڭ ايتۋىنشا, قاعازسىز قىزمەت كورسەتۋگە كوشۋ بىرنەشە كەزەڭمەن جۇزەگە اسىرىلادى.
«مەملەكەتتىك اپپاراتتى جالپى تسيفرلاندىرۋ جانە بيۋروكراتياسىزداندىرۋ اياسىندا ميلليونداعان توننا قاعازدى تەحنولوگيالار مەن ونلاين-سەرۆيستەرگە اۋىستىرۋ قاجەت, ءبىز وسى باعىتتا جۇمىستى باستاپ تا كەتتىك. ەندى قازاقستاندىقتارعا قۇجاتى دايىن بولعاندا قاي حقو-عا جۇگىنۋ كەرەكتىگى جانە ۋاقىتى كورسەتىلگەن sms-حابارلاما كەلەدى. حقو وپەراتورىنا كليەنت قولحاتتىڭ ەلەكتروندى نۇسقاسىن كورسەتسە بولدى», دەيدى ءابدىلدين.
حالىققا قىزمەت كورسەتۋ ورتالىقتارىنىڭ ماماندارى قازاقستاندىقتارعا وسى 8 قىزمەت بويىنشا جىلىنا 6 ملن-عا جۋىق قولحات بەرەدى (بۇل قولحاتتاردىڭ جالپى سانىنىڭ 40%-ىن قۇرايدى). ەندى كليەنتتەر قۇجاتتارىن الۋ كەزىندە قاعاز تۇرىندەگى قولحاتتى كورسەتۋ قاجەتتىلىگىنەن قۇتىلدى. قاعازدىڭ 2022 جىلى كۇرت قىمباتتاپ كەتكەنىن ەسكەرەتىن بولساق, قاعاز تۇرىندەگى قولحاتتان باس تارتۋ مەملەكەتتىك كورپوراتسيانىڭ قاعازعا جۇمسالاتىن شىعىندارىن قىسقارتۋعا مۇمكىندىك بەرەدى.
بيۋدجەتتى وڭتايلاندىرۋ ماقساتىندا ازاماتتارعا ارنالعان ۇكىمەت جارتىلاي اعارتىلعان تسەلليۋلوزادان جاسالعان ەكو-قاعازدى پايدالانۋعا كوشۋ تۋرالى شەشىم قابىلدادى. ول ادەتتەگى قولداناتىن قاعاز تۇسىنەن سارعىش بولعانىمەن, باسىلعان ءماتىننىڭ ساپاسىنا اسەر ەتپەيدى.
سونىمەن قاتار ول كەز كەلگەن پرينتەر مەن كوشىرۋ قۇرىلعىسىنا جارامدى. قازىرگى ۋاقىتتا مەملەكەتتىك ورگانداردىڭ, ۋنيۆەرسيتەتتەر مەن بانكتەردىڭ كوپشىلىگى وسىنداي ەكو-قاعازدى پايدالانۋعا كوشتى.
قولحات بەرىلمەيتىن قىزمەتتەر ءتىزىمى:
1.قازاقستان رەسپۋبليكاسىنىڭ ۇلتتىق كۋالاندىرۋشى ورتالىعىنىڭ تىركەۋ كۋالىگىن بەرۋ جانە كەرى قايتارىپ الۋ;
2.قازاقستان رەسپۋبليكاسى حالقىن تۇرعىلىقتى جەرى بويىنشا تىركەۋ;
3.قازاقستان رەسپۋبليكاسى حالقىن تۇرعىلىقتى جەرى بويىنشا تىركەۋدەن شىعارۋ;
4.ازاماتتىق حال اكتىلەرىن تىركەۋ تۋرالى قايتالاما كۋالىكتەر نەمەسە انىقتامالار بەرۋ;
5.سوتتىلىقتىڭ بولۋى نەمەسە بولماۋى تۋرالى انىقتاما بەرۋ;
6.جىلجىمايتىن م ۇلىككە قۇقىق بەلگىلەيتىن قۇجاتتىڭ تەلنۇسقاسىن بەرۋ;
7.جىلجىمايتىن م ۇلىك وبەكتىلەرىنىڭ جوسپارىن (سحەماسىن) قوسا العاندا, تىركەۋ ورگانى كۋالاندىرعان تىركەۋ ءىسى قۇجاتتارىنىڭ كوشىرمەلەرىن بەرۋ;
8.جىلجىمايتىن م ۇلىك وبەكتىلەرىنىڭ تەحنيكالىق پاسپورتىنىڭ تەلنۇسقاسىن بەرۋ.
