قازاقستان رەسپۋبليكاسى پرەزيدەنتىنىڭ جارلىعى №793

قازاقستان رەسپۋبليكاسىنىڭ پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىن استانا قالاسىنا كوشىرۋ تۋرالى مەملەكەت دامۋىنىڭ ستراتەگيالىق اسپەكتىلەرىن بولجامدىق-تال­دامالىق قام­تاماسىز ەتۋدى ودان ءارى جەتىلدىرۋ ماق­ساتىندا قاۋلى ەتەمىن: 1. قازاقستان رەسپۋبليكاسىنىڭ ۇكى­مەتى «قازاقستان رەسپۋبليكاسىنىڭ پرە­زيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتى» مەملەكەتتىك مەكەمەسىن (بۇدان ءارى - قسزي) الماتى قالاسىنان استانا قالا­سىنا كوشىرۋدى قامتاماسىز ەتسىن. 2. قازاقستان رەسپۋبليكاسىنىڭ ۇكى­مەتى وسى جارلىقتان تۋىندايتىن وزگە دە شارالاردى قابىلداسىن. 3. قازاقستان رەسپۋبليكاسى پرە­زي­دەنتىنىڭ ءىس باسقارماسى قازاقستان رەس­پۋبليكاسى قارجى مينيسترلىگىمەن بىرلەسىپ, قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن استانا قالاسىندا قسزي-دى ورنالاس­تىرۋ ءۇشىن ءۇي-جاي ءبولۋدى قامتاماسىز ەتسىن. 4. «قازاقستان رەسپۋبليكاسىنىڭ پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتى تۋرالى ەرەجەنى بەكىتۋ تۋرالى» قازاقستان رەسپۋبليكاسى پرەزيدەنتىنىڭ 1997 جىلعى 13 تامىزداعى №3614 جارلىعىنا (قازاقستان رەسپۋبليكاسىنىڭ ءپۇاج-ى, 1997 ج., №36, 337-قۇجات; 2008 ج., №20, 182-قۇجات) مىناداي وزگەرىس پەن تو­لىقتىرۋ ەنگىزىلسىن: اتالعان جارلىقپەن بەكىتىلگەن قا­زاقستان رەسپۋبليكاسىنىڭ پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتى تۋرالى ەرەجەدە: 3-تارماقتىڭ ەكىنشى بولىگى مىناداي رەداكتسيادا جازىلسىن: «ينستيتۋتتىڭ ورنالاسقان جەرى - قازاقستان رەسپۋبليكاسى, استانا قا­لا­سى»; 5-تارماقتىڭ ون ءبىرىنشى ابزاتسىنداعى «جۇزەگە اسىرۋعا قۇقىعى بار.» دەگەن سوزدەر «جۇزەگە اسىرۋعا;» دەگەن ءسوز­دەر­مەن اۋىستىرىلىپ, مىناداي ماز­مۇنداعى ابزاتسپەن تولىقتىرىلسىن: «- قازاقستان رەسپۋبليكاسىنىڭ اۋما­عىندا ءوزىنىڭ وكىلدىكتەرىن اشۋعا قۇقىعى بار.». 5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرە­زي­دەنتىنىڭ اكىمشىلىگىنە جۇكتەلسىن. 6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2014 جىلعى 11 ءساۋىر.  №793