قاسىم-جومارت توقاەۆ ءوز سوزىندە پرەزيدەنتتىڭ جاقىندارى مەملەكەتتىك قىزمەتتە, كۆازيمەملەكەتتىك سەكتوردا لاۋازىمدى قىزمەتتەر اتقارۋىنا تىيىم سالىناتىنىن اتاپ ءوتتى. بۇل جاڭالىق كوپشىلىكتىڭ كوكەيىندەگىسىن تاپ باستى دەسەك, قاتەلەسپەيمىز.
راسىندا دا, بۇل وزگەرىس بارلىق مەملەكەتتىك اپپاراتتىڭ دۇرىس جۇمىس ىستەۋىنە وڭ اسەرىن تيگىزەتىنى داۋسىز. سونىمەن قاتار وسى ءبىر ۇيعارىم پرەزيدەنتتىڭ قانداي دا ءبىر دارەجەدە شەشىم قابىلدايتىن كەزىندە وڭ اسەرىن تيگىزەتىنى اقيقات. مەملەكەت باسشىسى بۇل شەشىمدى دەربەس تۇردە قابىلداپ, ءوزىنىڭ حالىق الدىنداعى شىنايى بولمىسىن بايقاتتى.
ەلىمىزدە پرەزيدەنت كونستيتۋتسياعا سايكەس ازاماتتاردىڭ قۇقىقتارى مەن بوستاندىعىنىڭ كەپىلى بولىپ تابىلاتىنىن ەسكەرسەك, مەملەكەت باسشىسىنىڭ جاقىن تۋىستارىن جەتەكشى قىزمەتتەرگە ورنالاستىرماۋى وتە دۇرىس ءارى دەر كەزىندە قابىلدانعان شەشىم دەۋگە بولادى. سول ارقىلى حالىقتىڭ سەنىمىنە يە بولاتىنى دا شىندىق.
جالپى, مەملەكەت باسشىسىنىڭ جاڭا قازاقستاندى قۇرۋ جولىندا قولعا العان بارلىق رەفورمالارى قولداۋعا تۇرارلىق. ءبىز كونستيتۋتسيالىق سوتتى قۇرۋ ارقىلى دا وركەنيەت كوشىنە ىلەسكەنىمىزدى بايقاتامىز. جەر ماسەلەسىنە قاتىستى ايتقان ۇستانىمدارى دا قازاقستان حالقىنىڭ ويىمەن ۇيلەسىم تاپتى دەپ ايتۋعا تولىق نەگىز بار.
ءبىز قۇقىقتىق مەملەكەتكە اينالۋ جولىندا جاڭا ساياسي رەفورمالاردىڭ جۇزەگە اساتىنىن كورىپ وتىرمىز. بۇل ءوز كەزەگىندە «ەكىنشى رەسپۋبليكا» قاعيداتتارىنا سايكەس كەلەدى. پرەزيدەنت جاڭا قازاقستاندى قۇرۋ جولىندا ادىلەتتى قازاقستان ۇستانىمىنا ايرىقشا نازار اۋدارىپ وتىرعانى قۋانتتى. قوعام بارلىق ماسەلەدە اشىقتىق, ادىلدىك پەن زاڭدىلىقتىڭ بولعانىن قالايدى. پرەزيدەنت ايتقان باستامالار باياندى بولعان كەزدە, ءبىز شىن مانىندە دە زايىرلى, قۇقىقتىق مەملەكەتكە اينالامىز. ال كونستيتۋتسياعا ەنگىزىلەتىن وزگەرىستەرگە بايلانىستى رەفەرەندۋم وتكىزۋ تۋرالى شەشىم دەر كەزىندە قابىلداندى. بۇل بيلىكتىڭ حالىقپەن ساناساتىنىن كورسەتەدى. سول باعىتتا اتقارىلاتىن بارلىق جۇمىس جەمىستى بولسا دەگەن تىلەك كوكەيدە تۇر.
الىبەك تاجىباەۆ,
«ەۋرازيالىق مونيتورينگ» ساراپتامالىق زەرتتەۋلەر ورتالىعىنىڭ ديرەكتورى
