ساياسات • 05 مامىر، 2022

«111 شۇعىل قىزمەتىنە» 25 مىڭنان استام ءوتىنىش تۇسكەن

145 رەت كورسەتىلدى

مەملەكەت باسشىسى قاسىم-جومارت توقاەۆ 2022 جىلدى بالالار جىلى دەپ جاريالادى. پرەزيدەنت تاپسىرماسىنا سايكەس ۇكىمەت ءىس-شارالار جوسپارىن ازىرلەپ، ونى Amanat پارتياسى جانىنداعى وتباسى جانە حالىقتى الەۋمەتتىك قورعاۋ ماسەلەلەرى جونىندەگى رەسپۋبليكالىق قوعامدىق كەڭەس جان-جاقتى سارالاعان بولاتىن.

بالالاردىڭ قۇقىعىن قورعاۋ، جوعارىدا ايتىلعان جوسپاردى زەردەلەۋ – Amanat پارتياسىنا ارتىلعان اماناتتاردىڭ ءبىرى ەكەنى داۋسىز. وسى ورايدا پارتيانىڭ فراكتسيا مۇشەلەرى دينارا زاكيەۆا مەن ەلنۇر بەيسەنباەۆ ءباسپاسوز ءماسليحاتىندا بىرقاتار ماڭىزدى ماسەلەگە توقتالدى.

جىل باسىنان بەرى وڭىرلەردەگى 147 مىڭ بالا قونىستانعان 247 ينتەرناتتا جوندەۋ جۇمىستارىن جۇرگىزۋ جوسپارلانعان بولاتىن. ال وعان دەيىن 130 مەكەمەدە وسىنداي جۇمىستاردى اتقارۋ تۋرالى ءىس-شارالار قابىلدانعان.

الەۋمەتتىك جاعدايى ناشار وتباسىلارعا، بالالارعا كە­شەندى تۇردە كومەك كورسەتۋ جانە جەتكىنشەكتەردى زورلىق-زوم­بىلىقتان ساقتاندىرۋ بيلىك پار­تياسىنىڭ باستى ميسسيالارىنىڭ بىرىنە اينالعان. پارتيا جانىنان اشىلعان «111 شۇعىل قىزمەتىنە» سوڭعى كەزدە 25 مىڭنان استام ءوتىنىش تۇسكەن. ناتيجەسىندە، ارنايى قۇرىلعان جەدەل ارەكەت ەتۋ توپتارىنىڭ بىرلەسىپ اتقارعان جۇمىسىنىڭ ارقاسىندا قيىن جاعدايداعى 64 مىڭ وتباسىنا كەشەندى كومەك كورسەتىلگەن. ال «باقىتتى وتباسى» پارتيالىق جوباسى اياسىندا وتكەن جىلى بالا­لار مەن وتباسىلارعا كومەك كور­سەتۋگە باعىتتالعان 6 مىڭنان استام ءىس-شارا ءوز دەڭگەيىندە جۇرگىزىلگەن.

ءباسپاسوز ءماسليحاتىندا ءماجى­لىس دەپۋتاتتارى ۇكىمەت قاۋلى­سىمەن بەكىتىلگەن بالالار جىلىن وتكىزۋ جونىندەگى ءىس-شارالار جوس­پارىن جان-جاقتى تارقاتىپ ايتتى. جالپى جۇمىستاردى جۇيەلى تۇردە اتقارۋ ءۇشىن 48،3 ملرد تەڭگە، ونىڭ ىشىندە 16،7 ملرد تەڭگە رەسپۋبليكالىق بيۋدجەتتەن قاراستىرىلعانى بەلگىلى. قۇجاتتا قاراستىرىلعان 50 تارماقتىڭ باسىم بولىگىن دەپۋتاتتار قايتا قاراۋ قاجەت دەپ ەسەپتەيدى.

«مۇنداعى جوسپاردا شىعار­ماشىلىق بايقاۋلار، بالالار لاگەرلەرىندەگى جازعى ماۋ­سىم­نىڭ اشىلۋى، جيىندار جانە وزگە ماسەلەلەر قامتىل­عان. الايدا قارجىنى بارلىق با­لالاردىڭ قوعامدىق كولىكتە تەگىن جۇرۋىنە، تۇسكى اسپەن قام­تاماسىز ەتۋ سەكىلدى باعىتتارعا نەگە پايدالانباسقا؟! تۋراسىن ايتساق، بالالاردىڭ قۇقىعىن قورعاۋ سالاسىنداعى ۋاكىلەتتى ورگان سانالاتىن ءبىلىم جانە عىلىم مينيسترلىگىنىڭ وسى باعىتتاعى جۇمىسى تۇسىنىكسىز بولىپ تۇر»، دەدى دينارا زاكيەۆا ماسەلەگە قاتىستى ويىن ءبىلدىرىپ.

Amanat پارتياسى فراك­تسيا­سىنىڭ مۇشەلەرى جۇيەسىز ءىس-شا­را­لارعا قاجەتسىز شىعىندار­دىڭ ورنىنا از قامتىلعان وتبا­سىلارداعى ءاربىر بالاعا اتاۋلى الەۋمەتتىك كومەك مولشەرىن 35 مىڭ تەڭگەگە دەيىن ارتتىرۋدىڭ، اكىمدىكتەردە قيىن جاعدايداعى وتباسىلارمەن جۇمىستى ۇيىم­داستىرۋ ءۇشىن وتباسى ىستەرى جو­نىندەگى باسقارمالار قۇرۋدىڭ قاجەتتىگىن ايتتى. وتباسى ينستيتۋتىن نىعايتۋ، وتباسىنداعى قولايسىز جاعدايدىڭ، بالالارعا قاتىگەزدىك تانىتۋدىڭ الدىن الۋ جونىندەگى نىسانالى ينديكاتورلاردى وڭىرلىك دامۋ جوسپارىنا ەنگىزۋ جايىندا بەرىلگەن ۇسىنىستار ۇكىمەت تاراپىنان قولداۋ تاپپاعانى دا اڭگىمەگە ارقاۋ بولدى.

«جالپى سوماسى 100 ملرد تەڭگەدەن اساتىن، وڭىرلەر ءۇشىن 3-تەن 32 ميلليارد تەڭگەگە دەيىن قاراجات قاراستىرىلعان. الاي­دا وڭىرلىك جوسپارلار كوڭىل­گە قونبايدى. كورسەتىلگەن جوسپار­لاردىڭ بىرقاتارىندا عانا ين­كليۋزيانى قولداۋ كابينەت­تەرىن، دەنە شىنىقتىرۋ ورتا­لىق­تارىن، اۋتيزم دەرتىنە شال­دىق­قان بالالارعا ارنالعان ورتا­لىقتاردى اشۋ سەكىلدى ماڭىزدى ءىس-شارالار قامتىلعان. بۇل جوس­پار­داعى ماڭىزدى ءىس-شارا­لاردىڭ 35 پايىزىنان اسپاي تۇر»، دەدى دەپۋتات ەلنۇر بەيسەن­باەۆ.

ءباسپاسوز ءماسليحاتىندا دەپۋ­تاتتار وزگە دە ماڭىزدى ماسەلە­لەردى ءسوز ەتىپ، ولاردى شەشۋ كەزەك كۇتتىرمەيتىنىن اتاپ ءوتتى.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار