«جەكە كۋالىكتى تەلەفونعا سۋرەتكە ءتۇسىرىپ كورسەتسەم, ول تسيرفلىق قۇجات بولىپ ەسەپتەلە مە؟», دەپ سۇرادى دەپۋتات ءاليا ابسەمەتوۆا مينيستردەن.
«جەكە كۋالىكتىڭ الدە باسقا ءبىر قۇجاتتىڭ فوتوسى تسيفرلىق قۇجات بولىپ ەسەپتەلمەيدى. ويتكەنى تسيفرلىق قۇجات eGov Mobile قوسىمشاسىن الدە باسقا بانكتەردىڭ قوسىمشاسىندا ءوزىڭىزدىڭ تسيارلىق قۇجاتىڭىزدى جۇكتەسەڭىز, QR-كودتى باسىپ, باسقا بىرەۋگە كورسەتە الاسىز. ياعني, QR-كود ارقىلى سمارتفوننان تسيرلىق قۇجاتتىڭ رەسمي قۇجات ەكەنىن دالەلدەي الاسىز. تسيفرلىق قۇجاتتىڭ شىنايىلىعىن QR-كود ارقىلى راستايدى. سوندىقتان فوتوسۋرەت تسيفرلىق قۇجات بولىپ سانالمايدى», دەدى مينيستر.
سونداي-اق ول بىلتىر تسيفرلىق قۇجاتتى پايدالانۋ بويىنشا تۇسىنبەۋشىلىكتەر بولعانىن مويىندادى.
«بىلتىر ءبىز وسىنى ەنگىزگەن كەزدە اۋەجايلاردا شىنىمەن پروبلەمالار بولعان. ءاربىر مەكەمەنىڭ, مەملەكەتتىك ورگاننىڭ ءتيىستى ينسترۋكتسيالارىنا ءتيىستى وزگەرىستەر ەنگىزۋ قاجەت بولدى. سوندىقتان ءاربىر مەكەمەنىڭ جۇمىس ەرەجەسىنە وسى وزگەرىستەردى ەنگىزۋگە ءماجبۇر بولدىق. قازىر ءبىز ۇسىنىپ وتىرعان زاڭ جوباسىن قولداساڭىزدار. بۇكىل زاڭناماعا وزگەرىستەر ەنگىزبەي-اق, تسيفرلىق قۇجاتتىڭ جەكە كۋالىكتەرمەن, باسقا دا قۇجاتتارمەن تەڭ بولاتىنى, باسقا تيەسىلى مەملەكەتتىك ورگانداردىڭ زاڭناماسىنا وزگەرىستەر ەنگىزبەي-اق جەكە كۋالىكتى پايدالانۋعا رۇقسات بەرىلەدى», دەدى ب. مۋسين.
