«مەملەكەت باسشىسى حالىققا ارناعان جولداۋىندا 2025 جىلى ساپالى اۋىزسۋعا قولجەتىمدىلىكتى 100 پايىزعا جەتكىزۋدى تاپسىردى. بۇل تاپسىرمانى ورىنداۋ «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسى اياسىندا جوسپارلانعان. بىلتىر ەلىمىزدە سۋمەن جابدىقتاۋ قىزمەتتەرىمەن قامتاماسىز ەتۋ 96 پايىزدى, ونىڭ ىشىندە قالالاردا – 98,1 پايىزدى, اۋىلداردا 93 پايىزدى قۇرادى», دەدى مينيستر.
ول جەكەلەگەن وڭىرلەردە ارتتا قالۋشىلىق بايقالاتىنىن دا اتاپ ءوتتى. اۋىلدىق ەلدى مەكەندەردە اۋىزسۋمەن قامتۋدىڭ ەڭ تومەنگى دەڭگەيى قوستاناي جانە سولتۇستىك قازاقستان وبلىستارىندا ساقتالعان. قالالىق جەردى سۋمەن جابدىقتاۋ قىزمەتى جامبىل وبلىسىندا كوڭىل كونشىتپەيدى.
«سۋمەن جابدىقتاۋ قىزمەتتەرىمەن سولتۇستىك قازاقستان, ماڭعىستاۋ, اتىراۋ جانە قىزىلوردا وبلىستارىنىڭ قالا تۇرعىندارى 100 پايىز قامتىلعان. اۋىلدىق ەلدى مەكەندەردى اتالعان قىزمەتپەن قامتاماسىز ەتۋ بويىنشا كوشباسشىلار قاتارىندا الماتى, اتىراۋ, قىزىلوردا جانە ماڭعىستاۋ وبلىستارى بار», دەدى قايىربەك وسكەنباەۆ.
