بۇل تۋرالى الماتى قالالىق كاسىپكەرلىك جانە ينۆەستيتسيالار باسقارماسىنىڭ باسشىسى ەركەبۇلان ورازالين بريفينگتە ايتتى.
ء«ى توقساننىڭ قورىتىندىسى بويىنشا الماتىنىڭ ەكونوميكالىق ءوسۋ قارقىنى مەن ىسكەرلىك بەلسەندىلىگى قالپىنا كەلە باستادى. ماسەلەن, وسى جىلدىڭ 3 ايىندا قالا 19,18% وسۋگە قولجەتكىزە وتىرىپ, 248 ملرد تەڭگەدەن استام ينۆەستيتسيا تارتىلدى. ونەركاسىپ ءونىمىن ءوندىرۋ كولەمى وڭ سەرپىن كورسەتىپ وتىر. ءى توقساندا الماتىدا 387,8 ملرد تەڭگەنىڭ ءونىمى ءوندىرىلىپ, 15 پايىزعا ارتقان. وڭدەۋ ونەركاسىبى 18%-عا ارتقانىن ەرەكشە اتاپ ءوتۋ كەرەك. بۇل ەڭ الدىمەن ماشينا جاساۋدىڭ بەلسەندى دامۋىنا, ياعني 1,7 ەسە وسۋىنە بايلانىستى», دەدى سپيكەر.
سونىمەن قاتار ول قاڭتارداعى وقيعالاردان كەيىن قالاداعى ساۋدا جانە قىزمەت كورسەتۋ سالاسى دا قايتا قالپىنا كەلە باستاعانىن اتاپ ءوتتى. ءى توقساننىڭ قورىتىندىسى بويىنشا بولشەك ساۋدا كولەمى 737,8 ملرد تەڭگە بولسا, كوتەرمە ساۋدا اينالىمى 2,4 ترلن تەڭگەگە جەتتى.
«وڭىرلىك كوميسسيا بيزنەسكە كەلتىرىلگەن زالالدى وتەۋگە كىرىسكەن بولاتىن, بۇگىنگى تاڭدا كوميسسيا جالپى سوماسى 11 ملرد تەڭگەدەن استام 1499 ءوتىنىمدى ماقۇلدادى. زارداپ شەككەن كاسىپكەرلەردىڭ 95 پايىزى وتەماقىسىن الدى, قازىر ولار جۇمىستارىن ىستەپ جاتىر», دەدى ەركەبۇلان ورازالين.
قازىر كوميسسيانىڭ قاراۋىندا ساراپتاما جۇرگىزۋدى, جسق ازىرلەۋدى جانە راستايتىن قۇجاتتاردى قالپىنا كەلتىرۋدى تالاپ ەتەتىن ەڭ كۇردەلى جاعدايلار قالدى. «بيزنەسكە كەلگەن زالالدى وتەۋ جۇمىستارىن بيىلعى جىلدىڭ مامىر ايىندا اياقتاۋدى جوسپارلاپ وتىرمىز», دەدى ول.
ايانا توعانبەك
