«وكىنىشكە قاراي, بيىل 22 ساۋىردە ماڭعىستاۋ وبلىسىندا ورنالاسقان اسكەري گوسپيتالدە اسكەر قاتارىنا شاقىرىلعان الىبەك قالباي قايتىس بولدى. بولعان وقيعا جاس ساربازدىڭ وتباسىمەن قاتار, بارشا قارۋلى كۇش ۇجىمىنا اۋىر ءتيدى. وقيعاعا قاتىستى بەلگىلى اقپاراتتاردى رەسمي تۇردە بەردىك. بۇگىندە ءتيىستى ساراپتاما الىندى, تەرگەۋ امالدارى ءجۇرىپ جاتىر. ءبىز ەشنارسەنى جاسىرمايمىز. قايتىس بولعان جاس اسكەردىڭ اتا-اناسى مەن تۋىستارى ارنايى كەلىپ, اسكەري ءبولىمنىڭ قىزمەتىمەن تانىستى», دەدى سەرىك بورانباەۆ ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.
ونىڭ ايتۋىنشا, قايعىلى جايتتىڭ ءمان-جايى تەرگەۋ ناتيجەسىنەن سوڭ بەلگىلى بولادى.
«قازىرگى كەزدە بەلگىلىسى - ساپتا تۇرعان سارباز باسى اينالىپ, ەسىنەن تانىپ قالعان. ال تولىعىراق ايتا المايمىن, سوندىقتان ءىستىڭ اقىرىن سابىرمەن كۇتەيىك. جاس ساربازدىڭ وتباسىنا قولداۋ كورسەتىلىپ جاتىر. اتاپ ايتقاندا, 500 اەك كولەمىندە قارجىلاي كومەك تاعايىندالدى. سونىمەن قاتار ەسكەرتكىش قويۋعا 80 اەك كولەمىندە قارجى قاراستىرىلدى. ودان بولەك, جەكە قۇرامنىڭ اتىنان قارجىلاي جانە باسقالاي دا قولداۋ كورسەتىلدى», دەيدى ول.
ەسكە سالا كەتەيىك, الىبەك قالباي جامبىل وبلىسىنداعى گۆاردەيسك اسكەري قالاشىعىنداعى گوسپيتالدە مەرزىمدى اسكەري قىزمەتكە شاقىرىلىپ, سول جەردە قايتىس بولدى.
