كوزدەلگەن نەگىزگى ماقسات — قۇرىلىس نىساندارىن, اۆتوموبيل جولدارىن رەكونسترۋكتسيالاۋ مەن جوندەۋ جۇمىستارىن ساپالى بيتۋممەن قامتاماسىز ەتۋ, سونداي-اق ساپاسىز ءونىمدى پايدالانۋ فاكتىلەرىنىڭ الدىن الۋ.
زەرتتەۋ جۇمىستارى قر ست 1373-2013 تالاپتارىنا سايكەس جۇرگىزىلەدى. بۇگىنگى تاڭدا قازجولعزي زەرتحانالارىندا «پمحز» جشس جانە «قازاقبيتۋم» جشس سىندى وندىرۋشىلەر جاساپ شىعارعان بيتۋمداردىڭ 8 سىناماسى بويىنشا زەرتتەۋ جۇرگىزىلدى. بيتۋمدار ءوندىرۋشى زاۋىتتاردىڭ تالاپتارىنا سايكەس زەردەلەندى. تەكسەرۋ ناتيجەلەرى بويىنشا زاۋىتتاردىڭ بيتۋمدارى مالىمدەلگەن نورماتيۆتىك قۇجاتتاردىڭ تالاپتارىنا سايكەس كەلەتىنى انىقتالدى.
ايتا كەتەرلىگى, بيتۋم سىنامالارى ءوندىرۋشى زاۋىتتاردان, سونداي-اق اۆتوموبيل جولدارىن سالۋ, رەكونسترۋكتسيالاۋ جانە جوندەۋ وبەكتىلەرىنەن الىنعان.
ساپاسىز بيتۋمدى پايدالانۋدىڭ الدىن الۋ ماقساتىندا تاۋار ساپاسىنا جاسالاتىن مونيتورينگ جالعاسادى. مونيتورينگ ناتيجەلەرى ەلىمىزدىڭ ءتۇرلى جول-كليماتتىق ايماقتارىندا بيتۋمنىڭ ءارتۇرلى ماركالارىن قولدانۋ سالاسىن بەلگىلەۋ ءۇشىن پايدالانىلادى دەپ جوسپارلانۋدا.
