مەملەكەت باسشىسى قاسىم-جومارت توقاەۆ ءوزىنىڭ «جاڭا قازاقستان: جاڭارۋ مەن جاڭعىرۋ جولى» اتتى جولداۋىندا اتاپ وتكەندەي, ەلىمىزدى ساياسي جاڭعىرۋسىز جانە ودان ءارى دەموكراتيالاندىرۋسىز پروگرەسس پەن اۋقىمدى الەۋمەتتىك-ەكونوميكالىق قايتا قۇرۋلار مۇمكىن ەمەس.
كونستيتۋتسياعا ەنگىزىلەتىن وزگەرىستەردە دەموكراتيالىق قايتا قۇرۋعا دەگەن ادالدىقتى كورسەتەتىن ماڭىزدى ساياسي رەفورمالار بار ەكەنىن اتاپ وتكەن ءجون. شىن مانىندە, جاڭا وزگەرىستەر مەملەكەتتىلىكتىڭ جاڭا ۇلگىسى – جاڭا قازاقستاندى دامىتۋعا سەرپىن بەرەدى جانە قازاقستان ازاماتتارى رەسپۋبليكالىق رەفەرەندۋمدا ماڭىزدى شەشىم قابىلدايتىن بولادى.
«رەسپۋبليكالىق رەفەرەندۋم تۋرالى» كونستيتۋتسيالىق زاڭعا سايكەس رەفەرەندۋمدى ۇيىمداستىرۋ مەن وتكىزۋ اشىق ءارى جاريا تۇردە جۇزەگە اسادى. قازاقستان رەسپۋبليكاسىنىڭ ازاماتتارى مەن قوعامدىق بىرلەستىكتەرىنە رەفەرەندۋمعا شىعارىلعان ماسەلە بويىنشا ءوز پىكىرىن ءبىلدىرۋ قۇقىعىنا كەپىلدىك بەرىلەدى.
رەفەرەندۋم قابىلداعان شەشىمنىڭ جاريالانعان كەزدەن باستاپ قازاقستان رەسپۋبليكاسىنىڭ بۇكىل اۋماعىندا مىندەتتى تۇردە كۇشى بولادى جانە رەسپۋبليكا پرەزيدەنتىنىڭ نەمەسە مەملەكەتتىك وكىمەت ورگاندارىنىڭ اكتىلەرىمەن راستاۋدى قاجەت ەتپەيدى.
ءبىزدىڭ ورتاق ماقساتتارىمىزدى جۇزەگە اسىرۋداعى سالماقتىلىق پەن تاباندىلىق, جاڭا جاعدايعا اشىقتىق پەن قول جەتكەن جەتىستىكتەردى قۇرمەتتەۋ ءبىزدىڭ ۇلتتىق مۇددەلەرىمىزگە ساي كەلەتىنىن جانە بۇكىل قازاقستان حالقىنىڭ يگىلىگى ءۇشىن دامۋعا تىكەلەي ىقپال ەتەتىنىن اتاپ وتكىم كەلەدى.
ۆلاديمير ۆولكوۆ,
سەنات دەپۋتاتى
