الماتى قالالىق توتەنشە جاعدايلار دەپارتامەنتىنىڭ مالىمەتىنشە, بۇگىن ساعات 10:32 شاماسىندا ءورت ءسوندىرۋ بولىمشەلەرى تۇركسىب اۋدانىنا قاراستى ءسۇيىنباي كوشەسى, 419ا مەكەنجايى بويىنشا ءورت تۋرالى حابارلاماعا جوعارى دارەجەدەگى شاقىرتۋمەن شىقتى.
ء«ورت سوندىرۋشىلەر وقيعا ورنىنا 7 مينۋتتا جەتتى. ولار ەكى قاباتتى «Huseinoff» سۋپەرماركەتىنىڭ ەكىنشى قاباتى مەن شاتىرى اشىق جالىنمەن جانىپ جاتقانىن انىقتادى. گاز-تۇتىننەن قورعاۋ قىزمەتىنىڭ بۋىندارى دەرەۋ ادامداردىڭ بار-جوعىنا بارلاۋ جۇرگىزىپ, ءورت وقپاندارى ەنگىزىلدى.
وقيعا ورنىندا شتاب ورناتىلىپ, 50-دەن استام قىزمەتكەر جانە 15 تەحنيكا, ونىڭ ىشىندە ەكى ال-32 مەترلىك ءورت اۆتوساتىسى جۇمىلدىرىلدى», دەپ حابارلادى ۆەدومستۆادان.
قابىلدانعان شۇعىل شارانىڭ ارقاسىندا ءورت تولىق ءسوندىرىلدى.
قازا بولعاندار مەن جارالانعاندار جوق. ءورتتىڭ شىعۋ سەبەبى انىقتالىپ جاتىر.
