ايماقتار • 29 ءساۋىر، 2022

الماتى اۋەجايىنداعى كەمشىلىكتەر جويىلماي وتىر – يدم

44 رەت كورسەتىلدى

يندۋستريا جانە ينفراقۇرىلىمدىق دامۋ مينيسترلىگى كولىكتەگى وقيعالار مەن ينتسيدەنتتەردى تەكسەرۋ دەپارتامەنتىنىڭ ديرەكتورى بولات ناۋرىزاليەۆ الماتى اۋەجايى 3 جىلدان بەرى ماماندار ەسكەرتكەن كەمشىلىكتەردى جويماي وتىرعانىن ءمالىم ەتتى، دەپ حابارلايدى Egemen.kz.

ء«بىزدىڭ دەپارتامەنت اۆياتسيالىق وقيعالاردىڭ سەبەپتەرىن انىقتايدى. ازاماتتىق اۆياتسيا حالىقارالىق ۇيىمىنىڭ ستاندارتتارى مەن ۇسىنىمدارى بويىنشا ەسەپ ازىرلەندى. جۇرگىزىلگەن تەرگەۋ اتالعان ەسەپ بويىنشا الدەبىرەۋدىڭ كىناسىن نەمەسە جاۋاپكەرشىلىگىن انىقتاۋدى كوزدەمەيدى»، دەدى دەپارتامەنت باسشىسى.

بۇعان دەيىن جاريالانعان تەرگەۋ ەسەبىنە سۇيەنگەن جۋرناليستەر بۇل وقيعادا اۋەجاي اكىمشىلىگىنىڭ كىناسى بار-جوعىن سۇرادى.

«ەسەپتە ءبارى ايقىن كورسەتىلگەن. اۋەجاي تاراپىنا قانداي ەسكەرتۋىمىز بار دەگەنگە كەلسەك، ءبىزدىڭ تۇجىرىمدار مەن ۇسىنىمدار بويىنشا اۆياتسيا اكىمشىلىگى كورسەتىلگەن كەمشىلىكتەردى جويۋ ءۇشىن اۋەجايعا شارا قابىلداۋى كەرەك. ءبىز بەرگەن ۇسىنىمداردا بۇكىل كەمشىلىكتەر مەن ەسكەرتۋلەر كورسەتىلگەن. ءبىز تەك تەرگەۋمەن اينالىسامىز، اۆياتسيالىق وقيعالاردىڭ سەبەپتەرىن انىقتايمىز. مۇنداي جاعدايلار قايتالانباس ءۇشىن ۇسىنىم بەرەمىز. اۆياتسيا ۇيىمى اۋەجايعا قاتىستى بىرنەشە تەكسەرۋ جۇرگىزدى. اۋەجاي ءۇش جىلدان بەرى جويماي كەلە جاتقان كەمشىلىكتەر بار. ءتىپتى جويۋعا تىرىسپايدى دا. ىشكى ىستەر مينيسترلىگى، كولىك پروكۋراتۋراسى، اۆياتسيا اكىمشىلىگى شارا قولدانادى»، دەپ قوستى بولات ناۋرىزاليەۆ.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار