29 ءساۋىر ساعات 03:28-دە كەزەكشى پۋلتىنە سولتۇستىك قازاقستان وبلىسى اقجار اۋدانىنىڭ ماي اۋىلىندا جەكە تۇرعىن ۇيدە ءورت بولىپ جاتقانى تۋرالى اقپارات تۇسكەن.
اۋىل ەڭ جاقىن ءورت ءسوندىرۋ بولىمىنەن 53 شاقىرىم جەردە ورنالاسقان. كورشىلەردىڭ ايتۋىنشا ءورت كەزىندە ۇيدە ادامدار بولعان. تج ورنىنا اۋدان ورتالىعىنىڭ №8 ءورت ءسوندىرۋ ءبولىمىنىڭ ءورت ءسوندىرۋ قاراۋىلى شىعىپ, دەرەۋ ءورتتى سوندىرۋگە كىرىسكەن.
ء«ورت ءسوندىرۋ بولىمشەسى كەلگەن ساتتە ءۇي اشىق جالىنمەن جانىپ جاتقان. ءورت «مايسكوە-اگرو» شارۋا قوجالىعىنىڭ ەرىكتى ورتكە قارسى قۇرالىمى سوندىرۋگە كىرىستى. ولار كەلگەنگە دەيىن جەرگىلىكتى تۇرعىندار 1963 جىلى تۋعان ايەلدىڭ دەنەسىن تاۋىپ سىرتقا شىعارعان.
ءورتتى جويۋ بارىسىندا ءۇش ەر ادامنىڭ جانسىز دەنەسى تابىلدى: 1958 جىلى تۋعان ءۇي يەسى جانە ءۇي يەسىنىڭ 1975 جانە 1967 جىلى تۋعان قوناقتارى. سونىمەن قاتار ءورت سوندىرۋشىلەر ۇيدەن ءبىر گاز باللونىن الىپ شىقتى. ءورت 05.00 شاماسىندا اۋىزدىقتالىپ, 05.40 كەزىندە تولىق ءسوندىرىلدى. ءورتتى سوندىرۋگە 4 تەحنيكا مەن 14 ادام جۇمىلدىرىلدى», دەلىنگەن حابارلامادا.
ءورتتىڭ شىعۋ سەبەبى مەن ماتەريالدىق زالال كولەمى انىقتالىپ جاتىر. كورشىلەردىڭ ايتۋىنشا, قايتىس بولعاندار ۇنەمى الكوگول ىشۋمەن اۋەستەنگەن.
