«العا قاراي سەرپىلۋ ءۇشىن ءمىنسىز ءساتتى كۇتپەي, قازىردەن كەشىكتىرمەي ارەكەت ەتۋ كەرەك ەكەنىن تاريح كورسەتىپ وتىر. ەلىمىزدىڭ باعا جەتپەس بايلىعى جانە قايتا قۇرۋدىڭ نەگىزگى قوزعالتقىشى – ادامدار, ءبىزدىڭ ازاماتتار. سوندىقتان ءار ازامات وزىنەن باستاۋى كەرەك. ءبارىن ورتاق ىسكە جۇمىلدىرمايىنشا, مەملەكەتتىك اپپارات تا, قانداي دا ءبىر ساياسي شەشىمدەر مەن ەكونوميكالىق تۇتقالار دا ەلدى جاڭارتۋ ماقساتىنا جەتەلەي المايدى», دەدى توقاەۆ قازاقستان حالقى اسسامبلەياسىنىڭ سەسسياسىندا.
پرەزيدەنتتىڭ ايتۋىنشا, جاڭا قازاقستان قۇرۋ ءۇشىن جەكە جانە قوعامدىق قۇندىلىقتار جۇيەسىن تولىعىمەن قايتا پىشىمدەۋ قاجەت بولادى. مەملەكەت باسشىسى بىزگە جاڭا قۇندىلىقتار ماتريتساسىندا ۇزدىكتەردى ساقتاپ, ۇلتتىڭ دامۋىنا كەدەرگى بولاتىن بارلىق نارسەدەن ارىلۋ ماڭىزدى ەكەنىن ايتتى.
ء«بىز نەپوتيزم مەن پاتەرناليزمگە, سىبايلاس جەمقورلىق پەن كومپرادورعا توسقاۋىل قويامىز. جاڭا قازاقستان ادىلەتتىڭ اۋماعىنا اينالۋى كەرەك. ول ءۇشىن تەك ءارىپتىڭ ەمەس, زاڭنىڭ رۋحىن دا ساقتاۋ كەرەك. زاڭدار دوگما ەمەس, ول ازاماتتاردىڭ وزەكتى ماسەلەلەرىن شەشۋ ءۇشىن جەتىلدىرىلۋى كەرەك. زاڭ, ادىلدىك پەن ءتارتىپ باقۋاتتى ءومىرىمىزدى ايقىندايتىن ناقتى فاكتورلارعا اينالادى», دەپ تۇيىندەدى توقاەۆ.
