رۋحانيات • 29 ءساۋىر، 2022

ءىلياس مۇراجايى اشىلدى

83 رەت كورسەتىلدى

ەلورداداعى ءىلياس جانسۇگىروۆ اتىنداعى №58 مەكتەپ-گيمنازياسىندا قازاق پوەزياسىنىڭ قۇلاگەرىنە اينالعان اقىننىڭ مۇراجايى اشىلدى. مازمۇندى ءىس-شارانىڭ اشىلۋىندا نۇر-سۇلتان قالالىق ءبىلىم باسقارماسىنىڭ باسشىسى قاسىمحان سەنعازىەۆ جينالعان قاۋىمدى اقىن مۇراجايىنىڭ اشىلۋىمەن قۇتتىقتادى.

«بۇل مەكتەپكە ايتۋلى اقىن ەسىمى تەگىن بەرىلگەن جوق. ەندى وقۋشىلار ءىلياس اتامىزدىڭ شىعارمالارىن وقىپ، ىزدەنىپ، زەرتتەيدى دەپ ويلايمىن. بالا كۇنىمىزدەن اقىننىڭ «قۇلاگەر» پوەماسىن وقىپ وس­تىك. قازىر وسى مەكتەپتە اتالعان تۋىندىنى جاتقا ايتاتىن وقۋشىلاردىڭ بار ەكەنىن بىلەمىن. ارينە، وعان قۋانامىز. مەكتەپتەگى وقۋشىلاردىڭ ءبىلىم ساپاسى جاقسى. وسى توڭىرەكتەگى قازاق مەكتەپتەرىنىڭ الدى دەۋ­گە بولادى. «گيدروپونيكا»، «راكەتا مودەلدەۋ» زەرتحانالارى اشىلدى. ەندى مەكتەپ جانىنان جىلىجاي سالىنىپ جاتىر. وسىنىڭ ءبارى وقۋشىلارعا جاسالىپ جات­قان جاعداي»، دەدى ءبىلىم باسقارماسىنىڭ باسشىسى.

سودان كەيىن ءسوز العان مەملەكەتتىك ەلتاڭبا اۆتورلارىنىڭ ءبىرى، ساۋلەتشى جانداربەك مالىبەك تۇعىرلى تۇلعا تۋرالى وي تولعاپ، ء«ىلياس اعامىزدىڭ اماناتىنا ادال بولىڭدار» دەپ وقۋشىلارعا باتاسىن بەردى. ال مۇراجايدىڭ اشىلۋىنا قاراعان­دى­دان ادەيى كەلگەن اقىننىڭ ۇرپاعى، ساكەن سەيفۋللين اتىنداعى قازاق دراما تەاترىنىڭ اكتريساسى نۇرجىبەك جانسۇگىروۆا وسى ءىس-شارانىڭ باسى-قاسىن­دا جۇرگەن ازاماتتارعا العىسىن ايتتى.

«مەن ءىلياس اتامىزدىڭ تۋعان ءىنىسى قىزىربەكتىڭ نەمەرەسىمىن. اتام سوعىسقا قاتىسقان ارداگەر. ءتورت كلاستىق ءبىلىمى بولسا دا اعاسىنىڭ بارلىق ولەڭىن جاتقا ايتاتىن. حالقىمىز «ساكەن، ءىلياس، بەيىم­بەت­تى» ءۇش بايتەرەك دەپ قادىر تۇتتى. وسى ارىستاردىڭ رۋحىنا باس يەمىن. ولاردىڭ تۋعان ەلى ءۇشىن جاساعان ەڭبەگى جاس ۇرپاققا ۇلگى» دەي كەلىپ، مۇراجايعا ءىلياس اتاسىنىڭ 60-شى جىلدارى شىققان تاڭدامالىسى مەن اتاسى قىزىربەك جانسۇگىروۆتىڭ فوتوسىن سىيلادى.

جاڭا اشىلعان مۇراجايعا ءىلياس جانسۇگىروۆتىڭ 20 تومدىق جيناعى مەن جەكە قۇجاتتارىنىڭ كوشىرمەلەرى قويىلعان. سونداي-اق اقىننىڭ وتباسى مەن جىر ءدۇلد ۇلىنىڭ شىعارماشىلىعىن زەرتتەگەن بىرقاتار عالىم جايىندا مالىمەت بەرىلگەن.

ودان سوڭ قوناقتار ءبىلىم ورداسىنداعى «گيدروپونيكا»، «راكەتا مودەلدەۋ» زەرتحاناسىن بارىپ كوردى. مۇندا وقۋشىلار زەرتتەۋ جۇمىستارىمەن اينالىسادى. ماسەلەن، 2019 جىلى بايقوڭىر قالاسىندا وتكەن «عىلىم الەمىن اشامىز» حV حالىقارالىق جارىسىندا وسى مەكتەپ وقۋشىلارى «گيدروپونيكا»، «راكەتا مودەلدەۋ» بويىنشا جۇلدەگەر اتانعان. سونىمەن قاتار مەكتەپتە جاراتىلىستانۋ ءپانىن اعىلشىن تىلىندە جۇرگىزۋدىڭ قاناتقاقتى جوباسى ەنگىزىلگەن.

ءىس-شارا سوڭى مەكتەپ وقۋشىلارى دايىنداعان كونتسەرتكە ۇلاسىپ، وندا جاقىندا وتكەن ء«ىلياس وقۋلارى» قالالىق بايقاۋىنىڭ جۇلدەگەرلەرى ماراپاتتالدى.

P.S. اتالعان ءبىلىم ورداسىنا اقىن ەسىمى 2020 جىلى بەرىلىپتى. سودان بەرى ەكى جىل ءوتتى. الايدا مەكتەپ ماڭدايشاسىنان ءىلياس جانسۇگىروۆ اتىنداعى №58 مەكتەپ-گيمنازياسى دەگەن جازۋدى كورە الماي، كوڭىلىمىز كۇپتى بولدى.

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار