كوبەلەكتىڭ مۇنداي ءتۇرىن قاراعاندى دالاسىنان تورايعىروۆ ۋنيۆەرسيتەتىنىڭ ەنتومولوگى سەرگەي تيتوۆ جانە ونىڭ قازاقستان بيوالۋانتۇرلىلىكتى ساقتاۋ قاۋىمداستىعى مەن عىلىم كوميتەتىنە قاراستى زوولوگيا ينستيتۋتىنداعى ارىپتەستەرى اشتى.
«بۇرىن Catocala helena رەسەيدىڭ قيىر شىعىسىندا, كورەيادا, قىتايدا جانە موڭعوليادا جالپاق جاپىراقتى ورمانداردا ءومىر سۇرگەن. سوڭعى جىلدارى ول زابايكالەدە, باتىس سىبىردە بايقالا باستادى جانە قازاقستاندى اينالىپ ءوتىپ, Catocala helena وڭتۇستىك ورالعا جانە رەسەيدىڭ ەۋروپالىق بولىگىنە ەدىل بويىنا جەتتى. الايدا قازىر ءبىزدىڭ زەرتتەۋلەرىمىز كوبەلەكتەردىڭ بۇل ءتۇرى قازاقستاندا دا پايدا بولعانىن كورسەتىپ وتىر. ءبىز بۇل ءينۆازيۆتى ءتۇردىڭ بولاشاقتا قازاقستان تابيعاتىنا قالاي اسەر ەتۋى مۇمكىن ەكەنىن انىقتاۋ ءۇشىن Catocala helena-نىڭ ءارى قاراي ەلىمىزدىڭ اۋماعىندا دا, شەتەلدە دە ءومىر ءسۇرۋ سالتىن باقىلايمىز», دەيدى سەرگەي تيتوۆ.
سونداي-اق عالىمدار Catocala helena-نىڭ نەلىكتەن شىعىستان باتىسقا قاراي قونىس اۋدارا باستاعانىن جانە بۇعان دەيىن ءبىزدىڭ فاۋنامىزعا بەلگىسىز باسقا ينۆازيالىق جاندىكتەر وسى كوبەلەكتەرگە ىلەسە مە, جوق پا, سونى انىقتاۋمەن اينالىسىپ جاتىر.
