نۇر-سۇلتان قالاسىنىڭ الماتى اۋداندىق سوتى ب-نىڭ جاۋاپكەرلەر ك-دەن جانە ج-دان مورالدىق زياندى وتەۋ تۋرالى تالاپ ارىزى بويىنشا ازاماتتىق ءىستى قارادى.
2021 جىلعى قىركۇيەك ايىندا بۇرىنعى سىنىپتاستارىنىڭ WhatsApp-تاعى چاتىندا جاۋاپكەرلەردىڭ بالاسى ءوزىنىڭ سىنىپتاستارىنا, سونىڭ ىشىندە تالاپ قويۋشىنىڭ قىزىنا قادىر-قاسيەتىن قورلايتىن حابارلامالار جازعان. قىزدىڭ اناسى 5 ملن تەڭگە سوماسىندا مورالدىق زالال وتەۋ جونىندە تالاپ قويىپ, سوتقا جۇگىندى.
سەبەبى سىنىپتاستارىنىڭ قورلايتىن حابارلامالارىنىڭ سالدارىنان ونىڭ كامەلەتكە تولماعان قىزى ءبىر اي بويى كۇيزەلىسكە ءتۇسىپ, جىلاعان. سونىڭ سالدارىنان قىزىنا پسيحولوگتىڭ كومەگى قاجەت بولعان. كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتتىڭ قاۋلىسىمەن ءجاسوسپىرىمنىڭ اكەسى كامەلەتكە تولماعان بالانى تاربيەلەۋ بويىنشا ءوز مىندەتتەرىن ورىنداماعانى ءۇشىن اكىمشىلىك جاۋاپكەرشىلىككە تارتىلعان.
مورالدىق زياندى وتەۋ مولشەرىن انىقتاۋ كەزىندە سوت سىنىپتاستارىن قورلاۋ ناتيجەسىندە پسيحولوگيالىق كۇيزەلىسكە ۇشىراعان كامەلەتكە تولماعان قىزدىڭ جەكە م ۇلىكتىك ەمەس يگىلىكتەرى مەن قۇقىقتارىنىڭ ومىرلىك ماڭىزىن, سونداي-اق جاۋاپكەرلەردىڭ وتباسىلىق جانە م ۇلىكتىك جاعدايىن ەسكەردى.
سوت شەشىمىمەن تالاپ قاناعاتتاندىرىلدى. بالانىڭ اتا-اناسىنان تالاپ قويۋشىنىڭ پايداسىنا ورتاق تارتىپتە 2 ملن تەڭگە مولشەرىندە مورالدىق زياننىڭ وتەماقىسى ءوندىرىپ الىندى. شەشىم زاڭدى كۇشىنە ەنگەن جوق.
