ەڭ ۇلكەن قولداۋدى ماشينا جاساۋ, اگروبيزنەس جانە مەتاللۋرگيا سالالارىنداعى وندىرۋشىلەر الدى.
بۇل ىنتالاندىرۋ شاراسى ءمينيستردىڭ 2015 جىلعى 9 جەلتوقسانداعى بۇيرىعىمەن بەكىتىلگەن ەڭبەك ونىمدىلىگىن ارتتىرۋعا جانە اۋماقتىق كلاستەرلەردى دامىتۋعا باعىتتالعان يندۋستريالىق-يننوۆاتسيالىق قىزمەت سۋبەكتىلەرىنە مەملەكەتتىك قولداۋ كورسەتۋ قاعيدالارى اياسىندا جۇزەگە اسىرىلادى.
ناتيجەسىندە وتاندىق كاسىپورىندار شەتەلدىك ماماندار مەن ساراپشىلاردى تارتا وتىرىپ, وندىرىستە جاڭا تەحنولوگيالاردى يگەرىپ, ءوندىرىس كولەمىن ۇلعايتتى, وندىرىستىك تسيكلدەگى شىعىنداردى وڭتايلاندىردى, ءونىمنىڭ اسسورتيمەنتىن كەڭەيتىپ, ساپاسىن ارتتىردى, سونداي-اق وندىرىستەگى پوزيتسيالارىن نىعايتتى. نارىققا 50-دەن استام زاماناۋي اۆتوماتتاندىرىلعان باسقارۋ جۇيەسى ەنگىزىلدى, 200-دەن استام جاڭا وندىرىستىك جەلىلەر مەن جابدىقتار ورناتىلدى.
جالپى, مەملەكەتتەن وتەماقى العان كاسىپورىندار وسى جىلدار ىشىندە قىزمەتىندە وڭ ناتيجە كورسەتتى. ولار جيىنتىقتا ءوندىرىستى 50%-دان استامعا ۇلعايتتى, ءونىمنىڭ جاڭا تۇرلەرى پايدا بولدى, ونىمدىلىك 63%-عا, كاسىپكەرلىك تابىس ەكى ەسەگە, جالپى سالىق 3 ەسەگە ءوستى.
قازىرگى ۋاقىتتا «QazIndustry» اق ونەركاسىپتى مەملەكەتتىك ىنتالاندىرۋ وپەراتورلارىنىڭ ءبىرى رەتىندە «يندۋستريالىق ساياسات تۋرالى» جاڭا زاڭدى ىسكە اسىرۋ اياسىندا قولدانىستاعى مەملەكەتتىك ىنتالاندىرۋلارعا وزگەرىستەر مەن تولىقتىرۋلار ەنگىزۋدە.
«وسىلايشا, وزگەرىستەر كاسىپورىننىڭ قۇزىرەتتىلىگىن ارتتىرۋعا قاتىستى شارالاردى ەنگىزدى. قىزمەتكەرلەردىڭ بىلىكتىلىگىن ارتتىرۋ ءۇشىن وتەماقى تولەۋ مەرزىمىن, ونىڭ ىشىندە كادرلاردى قايتا دايارلاۋدى 3 ايعا دەيىن ۇلعايتۋ بويىنشا ۇسىنىستار ەنگىزىلۋدە. سونداي-اق اۆتوماتتاندىرىلعان جۇيەلەردى دامىتۋعا, ونىڭ ىشىندە ليتسەنزيالىق باعدارلامالىق قامتاماسىز ەتۋدى ساتىپ الۋعا كەتكەن شىعىنداردى وتەۋ قاراستىرىلعان. وتاندىق IT-كومپانيالاردى قولداۋ ماقساتىندا وتاندىق شەشىمدى ساتىپ الۋ ءۇشىن شىعىنداردى وتەۋ سوماسىن 40-تان 50%-عا دەيىن ارتتىرۋ ۇسىنىلۋدا. ەرەجەدەگى نەگىزگى وزگەرىس وتەلەتىن قارجى سوماسىنا سايكەس قارسى مىندەتتەمەلەردى ەنگىزۋ بولىپ تابىلادى», دەلىنگەن حابارلامادا.
