«تازا قازاقستان» − ەلىمىزدە ەكولوگيالىق مادەنيەتتى قالىپتاستىرۋعا, قورشاعان ورتانى قورعاۋعا جانە قوعامدىق كەڭىستىكتەردىڭ تازالىعىن قامتاماسىز ەتۋگە باعىتتالعان ۇلتتىق باستاما. جوبانىڭ نەگىزگى ماقساتى − تابيعاتتى ايالاۋ, قالالار مەن اۋىلداردىڭ تازالىعىن ساقتاۋ جانە ازاماتتاردىڭ ورتاق جاۋاپكەرشىلىگىن ارتتىرۋ.
«تازا قازاقستان»: ءبىر كۇندە ەلىمىزدە 46 مىڭ گەكتاردان استام اۋماق تازارتىلدى
وسى باعىتتا ەلىمىزدىڭ تۇكپىر-تۇكپىرىندە ورنالاسقان كەلەشەك مەكتەپتەرىنىڭ وقۋشىلارى دا بەلسەندىلىك تانىتىپ جاتىر. بۇل باستاما جاس ۇرپاقتىڭ ازاماتتىق جاۋاپكەرشىلىگىن ارتتىرىپ, ەكولوگيالىق مادەنيەت قالىپتاستىرۋعا ىقپال ەتەدى.
سەنبىلىك بارىسىندا وقۋشىلار مەكتەپ اۋماعىن عانا ەمەس, جاقىن ماڭداعى قوعامدىق كەڭىستىكتەردى دە تازالاپ, تابيعاتتى ايالاۋدىڭ ناقتى ۇلگىسىن كورسەتتى. اعاش وتىرعىزىپ, كوگالداندىرۋ جۇمىستارىنا باسا ءمان بەرگەن وڭىرلەر دە بار.
اتالعان جوبا مەملەكەت باسشىسىنىڭ باستاماسىمەن جۇزەگە اسىپ جاتىر.
