«ۇلتتىق اقپاراتتىق تەحنولوگيالار» اق قوعاممەن بايلانىس باسقارماسىنىڭ مالىمەتىنشە, پروتسەستى قايتا قاراۋدىڭ ارقاسىندا جەتى الەۋمەتتىك تولەم الۋ ىڭعايلى ءارى جەڭىلدەي ءتۇستى. ەلەكتروندىق ۇكىمەت پورتالىندا ءۇش بانكتىڭ ارنايى شوتتارى اۆتوماتتى تۇردە اشىلادى.
«ەندى eGov.kz پورتالىندا الەۋمەتتىك تولەمدەردى, جاردەماقىلاردى جانە زەينەتاقىلاردى راسىمدەۋ ءۇشىن ءوتىنىش بەرگەن كەزدە 20 تاڭبالى شوت ءنومىرىن (IBAN) قولمەن ەنگىزۋدىڭ قاجەتى جوق. جۇيە قولجەتىمدى شوتتاردى ءوتىنىش بەرۋشىنىڭ جسن-ءى بويىنشا الادى, بۇل ءوز كەزەگىندە شوت ءنومىرىن قاتە ەنگىزۋگە جول بەرمەيدى. جاردەماقى الۋ ءۇشىن ارنايى شوتتى ەلىمىزدىڭ ءۇش بانكىندە اشۋعا بولادى: Halyk Bank, Kaspi.kz جانە «بانك تسەنتركرەديت» اق», دەلىنگەن حابارلامادا.
بۇل فۋنكتسيا ەڭبەك جانە حالىقتى الەۋمەتتىك قورعاۋ مينيسترلىگىنىڭ كەلەسى الەۋمەتتىك مەملەكەتتىك قىزمەتتەرىندە قولجەتىمدى: بالا تۋعا جانە بالا كۇتىمىنە بايلانىستى جاردەماقى تاعايىنداۋ; مۇگەدەك بالانى تاربيەلەپ وتىرعان اناسىنا نەمەسە اكەسىنە, اسىراپ الۋشىعا جاردەماقى تاعايىنداۋ; مۇگەدەكتىك بويىنشا مەملەكەتتىك الەۋمەتتىك جاردەماقىلاردى تاعايىنداۋ; اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلار تاعايىنداۋ; جەرلەۋگە ارنالعان بىرجولعى تولەمدى تاعايىنداۋ; كوپ بالالى وتباسىعا مەملەكەتتىك جاردەماقى تاعايىنداۋ; مەملەكەتتىك بازالىق زەينەتاقى تولەمىن تاعايىنداۋ.
«بۇرىن جەڭىلدىكتەر مەن تولەمدەرگە ءوتىنىش بەرگەندە شوت ءنومىرىن قولمەن ەنگىزۋ قاجەت بولاتىن, پايدالانۋشىلار شوت ءنومىرىن ەنگىزۋ كەزىندە ءجيى قاتەلەسەتىن. ەندى قاجەتتى بانكتى دۇرىس تاڭداعان جاعدايدا, شوت اۆتوماتتى تۇردە پايدا بولادى. ەگەر شوتىڭىز جوق بولسا, وندا قىزمەتتى الۋ كەزىندە اشۋعا بولادى. جاڭا فۋنكتسيا ۋاقىتتى ۇنەمدەيدى جانە الەۋمەتتىك تولەمدەر مەن جاردەماقىلاردى وڭدەۋ پروتسەسىن ايتارلىقتاي جەڭىلدەتەدى», دەپ ءتۇسىندىردى ۆەدومستۆودان.
