«جىل سايىن تابيعي ورتتەردىڭ كەسىرىنەن ادامدار قازا تاۋىپ, م ۇلىك پەن تابيعاتقا وراسان زور شىعىن كەلەدى. بيىل «قازگيدرومەتتىڭ» بولجامى بويىنشا جاز مەزگىلى جىلداعىدان ىستىق بولادى دەپ كۇتىلۋدە.
وڭىرلەردە قازىردىڭ وزىندە كۇن ىسىپ, تابيعي ءورت سانى ارتىپ وتىر. بۇل ماسەلە توتەنشە جاعدايلار مينيسترلىگى مەن جاۋاپتى مەملەكەتتىك ورگانداردىڭ جانە اكىمدىكتەردىڭ ءجىتى نازارىندا بولۋى ءتيىس», - دەگەن ۇكىمەت باسشىسى مەملەكەتتىك ورگاندارعا بىرنەشە ماڭىزدى ماسەلەگە نازار اۋدارۋدى تاپسىردى.
بىرىنشىدەن, ءوڭىر اكىمدىكتەرى ءورت بەكەتتەرى مەن ەرىكتى ورتكە قارسى قۇرىلىمداردى ۇيىمداستىرۋ جۇمىسىن جالعاستىرۋعا مىندەتتەلدى.
«توتەنشە جاعدايلار مينيسترلىگىمەن بىرگە بالالاردى ساۋىقتىرۋ لاگەرلەرى, ساناتوريلەر مەن دەمالىس ايماقتارىندا ورتكە قارسى قاۋىپسىزدىكتى قامتاماسىز ەتۋ ماسەلەسىن باقىلاۋعا السىن!.
ەكىنشى. ەكولوگيا مينيسترلىگى ءوڭىر اكىمدىكتەرىمەن بىرگە ورمان جانە تابيعاتتى قورعاۋ مەكەمەلەرىن ورتكە قارسى تەحنيكالىق جاراقتاندىرۋ دەڭگەيىن ارتتىرۋ شارالارىن قابىلداسىن. كۇشتەر مەن قۇرالداردىڭ تابيعي ءورت كەزىندە شۇعىل ارەكەت ەتۋگە دايىندىعىن قامتاماسىز ەتسىن. سونداي-اق ءىرى ورتتەردى سوندىرۋگە اۆياتسيانى تارتۋدى قاراستىرسىن», - دەدى ءاليحان سمايىلوۆ.
