تۇركىستان وبلىسى اكىمىنىڭ ءباسپاسوز قىزمەتى تاراتقان مالىمەتكە سۇيەنسەك, قازىرگى تاڭدا, وبلىس اكىمىنىڭ توراعالىعىمەن ارنايى قۇرىلعان كوميسسيا شىعىن كولەمىن ەسەپتەپ جاتىر.
ەسەپ-قيساپ جۇمىستارى بىتكەن سوڭ, ءۇي جانۋارلارىنىڭ شىعىنىنا ەرەجەگە سايكەس وتەماقى تولەنەدى, تۇرعىن ۇيلەر قايتا قالپىنا كەلتىرىلەدى, عيماراتتار مەن تۇرعىن ۇيلەردىڭ شاتىرى جوندەلەدى, شارۋاشىلىق عيماراتتاردى رەتتەۋگە كومەك كورسەتىلەدى.
ايتا كەتەيىك, 24 ساۋىردە تۇركىستان وبلىسى قازىعۇرت, سارىاعاش اۋداندارىندا جاۋىن-شاشىن مەن كەنتاۋ قالاسىندا قاتتى جەل سوعىپ, تابيعي اپات بولدى. سونىڭ سالدارىنان 50 ادام قاۋىپسىز ايماققا كوشىرىلدى. ادام شىعىنى جوق.
الدىن الا ەسەپپەن, 53 ءۇيدىڭ اۋلاسىنا, 19 ۇيگە, 1 مەيرامحانا مەن 16 عيماراتقا سۋ كىرگەنى انىقتالدى. سونىمەن قاتار 370 باس مال شىعىنى تىركەلىپ وتىر.
