باۋىرلاس ەلمەن اراداعى ساۋدا تۇراقتى

جاۋاپتى ۆەدومستۆونىڭ اقپاراتىنا سۇيەنسەك, قاڭتار-اقپان كەزەڭىندە ەلىمىزدەن قىرعىزستانعا باعىتتالعان ەكسپورت كولەمى 14,2%-عا تومەندەپ, 72,6 ملن دوللاردى كورسەتكەن.

ەكسپورتتىڭ ازايۋى تابيعي گاز جەتكىزى­لىمى­نىڭ 84,7%-عا نەمەسە 12 ملن دوللارعا, سول سەكىلدى سۇزىندىلەر, ەسسەنتسيالار, كوفە, شاي مەن كوفە الماستىرعىشتاردىڭ 91,4%-عا نە­­مەسە 3,3 ملن دوللارعا, بيدايدىڭ 89,6%-عا نەمەسە 2,3 ملن دوللارعا جانە كەپ­تى­رىل­گەن بۇرشاق كوكونىستەرىنىڭ 100%-عا, ياع­ني 1,8 ملن دوللارعا تومەندەۋىنە بايلانىس­تى.

سونىمەن بىرگە وڭدەلمەگەن نەمەسە جار­تىلاي وڭدەلگەن التىننىڭ, ونىڭ ۇنتاق تۇرىن­­دەگى ەكسپورتىنىڭ 4 ەسەگە نەمەسە 3 ملن دول­لارعا ۇلعايعانى, تاس كومىردىڭ 2,7 ملن دول­لارعا, تەمەكى ونىمدەرىنىڭ 1,7 ملن دول­لار­عا, قۇرامىندا قانتى بار سۋسىندار­دى قو­سا ەسەپتەگەندە مينەرالدى جانە گاز­دال­عان سۋ ونىمدەرىنىڭ 1,3 ملن دوللارعا وسكەنى بايق­الدى.

قازاقستاننان باۋىرلاس مەملەكەتكە شى­عارىلاتىن نەگىزگى تاۋارلارعا – تەمەكى ونىم­دەرى, تاس كومىر, قۇرامىندا قانتى بار سۋسىنداردى قوسا ەسەپتەگەندە مينەرالدى جانە گازدالعان سۋلار, وڭدەلمەگەن نەمەسە جار­­­تى­لاي وڭدەلگەن التىن, سونداي-اق اتال­عان با­عالى مەتالدىڭ ۇنتاقتالعان ءتۇرى, جە­­ڭىل اۆ­­تو­كولىك جانە ماكارون ونىمدەرى جاتادى.

بۇدان بولەك قاڭتار-اقپاندا ايىر قالپاقتى اعايىندار قازاقستانعا 53,7 ملن دوللار سوماسىنا تاۋار يمپورتتاعان.

دەسەك تە باعالى مەتالدار مەن كەن كونتسەنتراتتارىنىڭ يمپورتتىق كولەمى – 18,6%-عا, قويۋلاندىرىلعان جانە قۇرعاق ءسۇت پەن كىلەگەي ءونىمى – 82,3%-عا, قۇرامىندا قانتى بار سۋسىنداردى قوسا ەسەپتەگەندە مينەرالدى جانە گازدالعان سۋ ونىمدەرى – 94,4%-عا, نان مەن ۇننان جاسالعان كونديتەرلىك ونىمدەر – 12,9%-عا جانە جارىقتاندىرۋ جابدىقتارى 99,7%-عا تومەندەپتى.

قىرعىزستاننان ەلىمىزگە تاسىمالداناتىن يم­پورتتىڭ نەگىزگى تۇرلەرىنە باعالى مەتالل مەن كەن كونتسەنتراتتارى (11,5 ملن دوللار كو­لەمىندە), مۇناي ونىمدەرى (9,9 ملن دوللار كولەمىندە), ىستىق بولاتتى شىبىقتار (8,7 ملن كولەمىندە), جىلتىراتىلعان شى­نى (5,8 ملن دوللار كولەمىندە), ايران, يوگۋرت (2,8 ملن دوللار كولەمىندە), نان جانە ۇن­نان جا­سالعان كونديتەرلىك ونىمدەر (2,8 ملن دول­لار كولەمىندە), پلاستماسسادان جاسال­عان ىدىس تۇرلەرى (1,1 ملن كولەمىندە), الكا­گول­دى ىشىم­دىكتەر (693,9 مىڭ دوللار كولەمىندە) كىرەدى.