«بۇگىنگى فۋتبول كۇنىمەن قۇتتىقتاي وتىرا, قازاقستان فۋتبول فەدەراتسياسىنىڭ سوڭعى جيىرما جىلدا ەۋروپا فۋتبولىنىڭ ماڭىزدى ءبىر بولىگىنە اينالعانى ءۇشىن العىس بىلدىرەمىن.
قازاقستان فۋتبول فەدەراتسياسى 2002 جىلى ۋەفا ۇيىمىنا قوسىلعان ساتتەن باستاپ ءبىزدىڭ قۇرلىقتىڭ قۇرمەتتى مۇشەسىنە اينالدى.
وسى 20 جىلدىڭ ىشىندە قازاقستانداعى فۋتبول ينفراقۇرىلىمى UEFA HatTrick باعدارلاماسىنىڭ قارجىلاندىرۋىمەن جۇزەگە اسىرىلعان بىرنەشە جوبالاردىڭ ارقاسىندا ايتارلىقتاي جاقساردى. سونىڭ باستى ايعاعىنىڭ ءبىرى – نۇر-سۇلتاندا سالىنعان كوپسالالى فۋتبول كەشەنى.
ءبىلىم بەرۋ سالاسىندا ءبىزدىڭ باعدارلامالارىمىزدى تولىق پايدالانىپ, فۋتبول پيراميداسى بويىنشا بارلىق تابىستارعا اسەر ەتە باستاعانىن دا بايقايمىز. ولاردىڭ اراسىندا بۇقارالىق, ايەلدەر, كلۋبتىق فۋتبول, جاتتىقتىرۋشىلار كورپۋسى جانە تورەشىلىك بار.
وسى تابىستاردىڭ اراسىندا ايتارلىقتاي كوزگە تۇسەتىندەرى بار. ماسەلەن, فۋتزالدان قازاقستان قۇراماسى ناعىز الەم جۇلدىزىنا اينالدى. جوسپارلانعان ستراتەگيا دۇرىس قۇرۋ مەن ونى جۇيەلى جۇزەگە اسىرۋ ارقىلى فەدەراتسيا قىزمەتىنىڭ وزگە سالالارى دا تابىسقا جەتە الاتىنىنا سەنىم مول. سونىمەن قاتار قازاقستاندىق كلۋبتار ۋەفا جارىسىنا تۇراقتى قاتىسىپ كەلەدى. چەمپيوندار ليگاسىنىڭ 2015/16 جىلعى ماۋسىمىندا توپتىق كەزەڭدە ءتورت ويىندى تەڭ اياقتاعان «استانانىڭ» ەرلىگىن ەشكىمنىڭ ەسىنە سالۋدىڭ قاجەتى جوق. ولار سول ماۋسىمدا «بەنفيكا» مەن ءتۋرنيردىڭ فينالىنا شىققان ءمادريدتىڭ «اتلەتيكوسىنا» عانا جول بەردى.
فۋتبولدىڭ باستى ەرەكشەلىگى ءاربىر جانعا ارمانداۋعا مۇمكىندىك بەرەدى. ءCىزدىڭ ادالدىعىڭىزدىڭ ارقاسىندا ميلليونداعان بالالار قازاقستاننىڭ جاسىل الاڭدارىندا ءوز ارماندارىن ورىنداپ ءجۇر.
قازاقستان فۋتبولىنا ۇزاق جىلدار بويى تابىس جانە جاسىل الاڭمەن ونىڭ اينالاسىندا وركەندەۋدى تىلەيمىن. ۋەفا ارقاشان قازاقستان فۋتبول فەدەراتسياسىنىڭ سەنىمدى سەرىكتەسى بولاتىنىن ۇدايى ەستە ۇستارسىز», دەپ جازىلعان چەفەريننىڭ قۇتتىقتاۋ حاتىندا.
