«بيىل اقپاندا ونى جۇمىستان بوساتۋ تۋرالى بۇيرىققا قول قويىلدى», دەپ جازىلعان ءىىم ءباسپاسوز قىزمەتىنىڭ «ينتەرفاكس-قازاقستان» اقپارات اگەنتتىگىنە بەرگەن مالىمەتىندە.
ەسكە سالا كەتسەك, 2022 جىلعى ناۋرىزدا باس پروكۋرور بەرىك اسىلوۆ قاڭتار وقيعاسىنا بايلانىستى پوليتسيا دەپارتامەنتى مەن ۇقك باسشىلارىنا قاتىستى 7 قىلمىستىق ءىستى تەرگەپ جاتقانىن حابارلاعان ەدى.
«5 قاڭتاردا الماتى قالاسى, الماتى, جامبىل جانە قىزىلوردا وبلىستارىنداعى پوليتسيا دەپارتامەنتتەرى مەن ۇقك ءۇش دەپارتامەنتىنىڭ باسشىلارى جۇمىس ورنىنان كەتىپ قالعان, ءارى ولار وندا قارۋ قالدىرعانى انىقتالدى. بۇل فاكتىلەر بويىنشا 7 قىلمىستىق ءىس قوزعالدى. ولار بويىنشا تەرگەۋ ارەكەتتەرىنىڭ نەگىزگى كولەمى اياقتالدى», دەدى ب. اسىلوۆ.
