شاراينا

ستراتەگيالىق قارۋىن قىسقارتادى اقش-تىڭ قورعانىس مينيسترلىگى ستراتەگيالىق قارۋ-جاراقتارىن قىسقارتۋ جوسپارىن جاريا ەتتى. نەگىزىنەن ول 50-دەي قۇرلىقارالىق بالليستيكالىق زىمىراننىڭ اسكەري كۇزەتتەن الىناتىندىعىنا قاتىستى بولماق. بۇل 2011 جىلعى اقپاندا كۇشىنە ەنگەن رەسەي مەن اقش اراسىنداعى ستراتەگيالىق شابۋىل قارۋلارىن شەكتەۋ جانە قىسقارتۋ تۋرالى شارت شەڭبەرىندە جاسالىپ وتىر. جاقىن كۇندەرى اقش-تىڭ شاحتاداعى Minuteman III قوندىرعىسىنىڭ الىناتىندىعىن بەلگىلەيدى. قازىرگى كەزدە بۇل ەلدە 450 زىمىراندى شاحتا بار, ولار ءۇش ايماقتا – مالمستروم, ۋوررەن جانە ماينوت اۆيابازاسىندا ورنالاسقان. سونداي-اق, اقش-تىڭ اسكەري تەڭىز كۇشتەرى سنۆ-3 شارتى اياسىندا بىرقاتار وزگەرىستەر ەنگىزبەك. وسىعان بايلانىستى 14 «وگايو» ستراتەگيالىق اتوم سۇڭگۋىر قايىعى  ءتورت زىمىراندى شاحتالار بويىنشا قايتا جاسالادى. سىعاندار بارونىنا قارسى شىقتى زاكارپاتە وبلىسىنداعى (ۋكراينا) اۋدان ورتالىعى مۋكاچەۆو ەلدى مەكەنىندە تۇراتىن سىعاندار وزدەرىنىڭ بارونىنا قارسىلىق رەتىندە ميتينگىگە شىقتى. «سەگودنيا» باسىلىمىنىڭ حابارلاۋىنشا, اكتسياعا بىرنەشە ءجۇز ادام قاتىسقان, ولاردىڭ كەيبىرىندە رازىڭكە سويىل بار. «بۇل سىعان تابورلارىنىڭ ىشكى كيكىلجىڭى, – دەپ حابارلادى قالالىق ميليتسيا بولىمىندەگىلەر. – جەتى مىڭداي سىعان وتباسىنان تۇراتىن ءۇش جۇزگە جۋىق ادام باروندارى ءوزىنىڭ بيلىگىن اسىرا پايدالاندى دەپ ايىپتاعان. ءبىز جاعدايدى ۋشىقتىرمايىق دەگەن نيەتپەن, ميتينگى ءوتىپ جاتقان جەردە كەزەكشىلىك اتقارۋدامىز». كەيبىر مالىمەتتەرگە قاراعاندا, بيلىكپەن كەلىسسوز جۇرگىزۋگە دايىن. وسىدان ءبىر كۇن بۇرىن اتالعان ەلدى مەكەندە توبەلەس بولىپتى. ودان بىرنەشە ادام زارداپ شەككەن سياقتى. بۇگىنگى كۇنى ۋكراينادا 50 مىڭداي سىعان تۇرىپ جاتىر. 200 دوللار ءۇشىن جەتى جىل

مولداۆياداعى تەلەنشەت اۋداندىق سوتىنىڭ سۋدياسى گەورگە پوپا 200 دوللار پارا العانى ءۇشىن باس بوستاندىعىنان ايىرىلدى. وعان جەتى جىل تۇرمەدە وتىرۋ جازاسى تاعايىندالعان.

سونداي-اق, ول 160 مىڭ لەي (420 مىڭ رۋبل) ايىپپۇل تولەۋگە مىندەتتى. پروكۋراتۋرانىڭ مالىمەتتەرى بويىنشا, بۇل جەمقورلىق فاكتىلەرىمەن ناقتى مەرزىمگە سوتتالعان العاشقى سۋديا. سۋديانىڭ پىكىرىنشە, وعان تاعىلعان ايىپ قولدان جاسالعان, شىندىقپەن سايكەسپەيدى. گ.پوپا وتكەن جىلعى قازاندا ءوزىنىڭ قىزمەت بولمەسىندە ۇستالعان ەدى. كەيبىر اقپاراتتارعا قاراعاندا, وتكەن جىلى ەلدە جەمقورلىقپەن كۇرەس ارتا تۇسكەن. ناتيجەسىندە 400-دەن استام شەنەۋنىك سىبايلاس جەمقورلىقپەن قولعا ءتۇسىپتى. مادەنيەت ءمينيسترى وتستاۆكاعا كەتتى ۇلىبريتانيانىڭ مادەنيەت ءمينيسترى ماريا ميللەر 5800 فۋنت بيۋدجەت قارجىسىن ماقساتسىز جۇمسادى دەپ ايىپتالعانىنا بايلانىستى وتستاۆكاعا كەتتى. ەل پرەمەر-ءمينيسترى دەۆيد كەمەرونعا جازعان حاتىندا ول ءوزىنىڭ وسىنداي جانجالعا ۇشىراۋى ۇكىمەت جۇمىسىنا كەدەرگى كەلتىرەتىنىن اتاعان. ۇكىمەت باسشىسى ونىڭ وتىنىشىنە تۇسىنىستىكپەن قاراپ, ونىڭ ءوتىنىشىن قابىلداعان. دەرەك كوزدەرى بويىنشا, مادەنيەت ءمينيسترى بىرقاتار پارلامەنتاريلەردىڭ تالاپ ەتۋىنە قاراماستان, وتستاۆكاعا كەتۋدەن باس تارتقان دا كورىنەدى. وسى ماسەلەگە قاتىستى قۇرىلعان كوميسسيا ميللەرگە كورسەتىلگەن قاراجاتتى تولەۋگە مىندەتتەگەن ەكەن. ال ول بۇل قارجىنى ءوزىنىڭ يپوتەكالىق تولەمدەرىنە باعىتتاعانى انىقتالىپ وتىر. ءبىر قۇمىرا بال سىيلادى ۇلىبريتانيا پاتشايىمى ەليزاۆەتا ءىى ريم پاپاسى فرانتسيسكىمەن العاش رەت كەزدەستى. پاتشايىم كۇيەۋى فيليپپەن بىرگە پونتيفيككە بۋكينگەم سارايىنىڭ باۋ-باقشاسىنان جينالعان ءبىر قۇمىرا بال, سونداي-اق, ءبىر شيشا ۆيسكي مەن ون دانا جۇمىرتقا سىيلادى. ەليزاۆەتا ءىى ءوزىنىڭ بۇل ارەكەتىن ريم پاپاسىنا وزگەشە ءبىر سىيلىق جاساعىسى كەلگەنىمەن تۇسىندىرگەن. ال ءوز كەزەگىندە فرانتسيسك پاتشايىمعا اسىل تاستان جاسالىپ, جوعارى جاعىنا كرەست ورناتىلعان بۇيىمدى سىيعا تارتىپتى. وسىدان بىرەر كۇن بۇرىن ەليزاۆەتا ءىى كۆيرينال سارايىندا يتاليا پرەزيدەنتى دجوردج ناپوليتانومەن بىرگە تاڭعى اس ىشكەن ەكەن. ال فرانتسيسك ەليزاۆەتا ءىى-مەن ەكەۋارا جەكە كەزدەسكەن انگليكان شىركەۋى جەتەكشىسىنىڭ بەسىنشى پونتيفيگى بولىپ وتىر. جيرينوۆسكي قۇلاقتان «ايىرىلاتىن» بولدى ازەربايجان «سوۆرەمەننىي مۋساۆات» پارتياسىنىڭ جەتەكشىسى حافيز گادجيەۆ رەسەيلىك لدپر باسشىسى ۆلاديمير جيرينوۆسكيگە «قۇلاعىن» كەسەمىن دەپ سەس كورسەتتى. بۇعان جيرينوۆسكيدىڭ ازەربايجان جونىندە كەمسىتۋ ءسوز ايتقانى سەبەپ بولىپ وتىر. «وسى كەمسىتۋى ءۇشىن مەن ونىڭ قۇلاعىن كەسەمىن», دەپ مالىمدەپتى ازەربايجاندىق ساياساتكەر. جيرينوۆسكيدىڭ جاقىندا مەملەكەتتىك دۋمادا سويلەگەن ءسوزى گادجيەۆتىڭ اشۋ-ىزاسىن تۋدىرسا كەرەك. رەسەيلىك ساياساتكەر سوندا «ازەربايجان» اتاۋىنا قاتىستى: «ازەر – بۇل حەزەر تەڭىزى, ياعني كاسپي تەڭىزى, بادجا – ولكە. بۇلار كاسپي تەڭىزىنىڭ جاعالاۋىندا تۇراتىن جۇرت. بۇل ۇلت پا؟» – دەپ كولگىرسىگەن كورىنەدى. ونىڭ بۇل سوزدەرىن جوققا شىعارا كەلىپ, بۇكىلرەسەيلىك ازەربايجان كونگرەسى جيرينوۆسكيدى جاۋاپقا تارتۋ ءۇشىن ءتيىستى ورگاندارعا حات جىبەردى. قىسقا قايىرىپ ايتقاندا: اقش كونگرەسى جوعارعى پالاتاسىنىڭ بارلاۋ جونىندەگى كومي­تە­تى ورتالىق بارلاۋ باسقارماسىنىڭ تەرروريزمگە قاتىسى بار كۇ­دىك­­­­­­تىلەردى ۇستاۋ جانە ولاردان جاۋاپ الۋ ادىستەرى تۋرالى دايىن­دال­­عان 480 بەتتىك باياندامانىڭ قۇپيالىلىعىن اشۋ جونىندە قاۋلى قابىلدادى. ساۋد ارابياسىندا ءولىم جازاسىنا كەسىلگەن يندونەزيالىق ساتينا ەسىمدى ايەلدى يندونەزيا تاراپى يسلامدىق سالت-داستۇرمەن ونى «ساتىپ الۋ» ءۇشىن 1,8 ميلليون دوللار تولەيتىندەرىن ءبىلدىردى. ساتينا وسىدان جەتى جىل بۇرىن جۇمىس بەرۋشىسىن ولتىرگەنىنە بايلانىستى ءولىم جازاسىنا كەسىلگەن ەكەن. كورشىلەس قىرعىزستاننىڭ باقاي اتا اۋدانىنداعى بىرقاتار ەلدى مەكەندەر تۇرعىندارى شيرالدجين اۋماعىنداعى كەنىشتەن التىن كەنىن وڭدەۋگە بايلانىستى قارسىلىق اكتسياسىن وتكىزدى. تالاپتارى – وڭدەۋ جۇمىستارى ونداعى ەكولوگيالىق جاعدايدى ناشارلاتادى. جەرگىلىكتى بيلىكتەن قاناعاتتانارلىق جاۋاپ بولماعان سوڭ, تالاس – سۋسامىر اۆتوجولىن جاۋاپ تاستادى. ينتەرنەت ماتەريالدارى نەگىزىندە ازىرلەندى.