بۇگىن سىبايلاس جەمقورلىققا قارسى ءىس-قيمىل اگەنتىگى قوعامدىق كەڭەسىنىڭ كەزەكتى وتىرىسى ءوتتى. وتىرىسقا اگەنتتىك توراعاسى و. بەكتەنوۆ, قوعامدىق كەڭەس توراعاسى د. قىدىرالى جانە قوعام بەلسەندىلەرى قاتىستى.
كەڭەستىڭ جاڭا مۇشەسىنە مەملەكەت قايراتكەرى, بوكستان وليمپيادا چەمپيونى س. ساپيەۆ جانە «ادىلدىك جولى» رقب اتقارۋشى ديرەكتورى د. سماعۇلوۆ كىردى.
وتىرىستا قر پرەزيدەنتىنىڭ «مەملەكەتتىك اپپارات قىزمەتىن بيۋروكراتياسىزداندىرۋ جونىندەگى شارالار تۋرالى» جارلىعىن جۇزەگە اسىرۋ اياسىندا سىبايلاس جەمقورلىققا قارسى قىزمەت قابىلداپ جاتقان شارالار تۋرالى ايتىلدى.
اگەنتتىك توراعاسى و. بەكتەنوۆ مەملەكەتتىك اپپاراتتى بيۋروكراتياسىزداندىرۋ بويىنشا قابىلدانىپ جاتقان شارالار وتە ماڭىزدى جانە ۋاقتىلى ەكەنىندىگىن, انتيكور جەكەلەگەن بيزنەس-پروتسەستەردى وڭتايلاندىرۋدى باستاعاندىعىن اتاپ ءوتتى.
سونىمەن قاتار كەڭەس مۇشەلەرىنە كولىكتىك باقىلاۋ سالاسىنداعى سىبايلاس جەمقورلىق تاۋەكەلدەرىن سىرتقى تالداۋدىڭ الدىن الا ناتيجەلەرى, سونداي-اق پوليتسەيلەردىڭ زاڭسىز ارەكەتتەرى بويىنشا قىلمىستىق ىستەردىڭ تەرگەۋ بارىسى ايتىلدى.
«مەن قوعامدىق كەڭەسكە پايدا اكەلەتىنىمە سەنىمدىمىن, ويتكەنى مەنىڭ ازاماتتىق ۇستانىمىم بار. مەن ەلدىڭ قاراپايىم ازاماتى رەتىندە ادال مەملەكەتتە, سىبايلاس جەمقورلىقسىز, ءادىل مەملەكەتتە ءومىر سۇرگىم كەلەدى. مەنىڭ جۇمىس تاجىريبەم, مەنىڭ ۇستانىمىم مەملەكەتىمىزدى دامىتۋعا جانە سىبايلاس جەمقورلىققا قارسى ءىس-قيمىل اگەنتتىگىنە, اتاپ ايتقاندا, قوعامدىق كەڭەسكە ەل يگىلىگى ءۇشىن پايدا اكەلۋگە مۇمكىندىك بەرەدى دەپ ويلايمىن», دەپ اتاپ ءوتتى وليمپيادا چەمپيونى س. ساپيەۆ.
قوعامدىق كەڭەس مۇشەلەرى سىبايلاس جەمقورلىققا قارسى ساياسات نەگىزىندە قابىلدانعان تۇجىرىمدامانىڭ زارداپتارمەن كۇرەستەن سىبايلاس جەمقورلىقتىڭ العىشارتتارىن جۇيەلى تۇردە جويۋعا, جاۋاپكەرشىلىكتىڭ بۇلتارتپاستىعىن قامتاماسىز ەتۋگە, قوعامدىق سانانى تۇبەگەيلى وزگەرتۋگە باعىتتالعانىن اتاپ ءوتتى. اتالعان قۇجات اياسىندا الداعى ۋاقىتتا جۇمىستار ءوز جالعاسىن تابادى.
