كادرلار تۇراقتىلىعى باستى نازاردا

ورتالىق كوممۋنيكاتسيالار قىزمەتىندە «سامۇرىق-ەنەرگو» اق باسقارما توراعاسى الماسادام ساتقاليەۆ ءباسپاسوز ءماسليحاتىن وتكىزدى. ول مەملەكەت باسشىسى جۇكتەگەن تاپسىرمالاردىڭ ورىندالۋ بارىسى تۋرالى اڭگىمەلەدى. سالاعا شەتەلدىك ينۆەستورلار تارتۋ جونىندەگى تاپسىرمانىڭ ورىندالۋىن «سامۇرىق-قازىنا» قورى باقىلاپ وتىرعانى ءمالىم. ءبىزدىڭ قوعامنىڭ جۇمىسى دا قوردىڭ ءجىتى نازارىندا. بۇگىندە كومپانيامىز حالىقارالىق ءىرى كومپانيالاردىڭ قاتىسۋىمەن بىرقاتار جوبانى جۇزەگە اسىرىپ جاتىر. ونىڭ ەڭ ماڭىزدىسى – بالقاش جەس قۇرىلىسى. بۇل جوبانىڭ قۇرىلىسى Samsung C&T جانە KEPCO كورەي كونسورتسيۋمىمەن بىرلەسىپ جۇرگىزىلۋدە. اتاپ ايتارىمىز, بالقاش جىلۋ-ەلەكتر ستانساسى قورشاعان ورتاعا ەشقانداي زيان كەلتىرمەيتىن بولادى. وندا كومىر جاعۋدىڭ ەڭ وزىق تەحنولوگيالارى مەن جابدىقتارى, سونداي-اق, ۇلتتىق تابيعاتتى قورعاۋ نورماتيۆتەرى مەن ەۋرووداق ستاندارتتارىن ساقتاۋدى قامتاماسىز ەتەتىن گاز تازالاۋ قوندىرعىلارى ورناتىلادى, دەدى باسقارما توراعاسى. اكتسيونەرلىك قوعام جەتەكشىلەرى مەملەكەت باسشىسىنىڭ وندىرىستىك پەرسونالدىڭ جالاقىسىن كوتەرۋ جونىندەگى تاپسىرماسىن دا ورىنداپ جاتىر ەكەن. سونداي-اق, مۇمكىندىگى شەكتەۋلى جانداردى جۇمىسقا ورنالاس­تىرۋ بويىنشا دا ۇلكەن جۇمىستار جۇرگىزىلگەن كورىنەدى. «كومپانيا وندىرىستىك پەرسونالدىڭ جالاقىسىن كوتەرۋ جونىندەگى تاپسىرمانى ورىندادى. جالپى, جالاقىنىڭ ورتاشا دەڭگەيى شامامەن 135 مىڭ تەڭگەنى قۇرايدى. ءبىز ءوزىمىزدىڭ وندىرىستىك, ينجەنەرلىك-تەحنيكالىق پەرسونالدارىمىزدىڭ جالاقىسىن وسى دەڭگەيگە جەت­كىزدىك, بۇل سالاداعى كادر تۇراق­تىلىعىن قامتاماسىز ەتىپ, كاسىپ­قوي كادرلاردى كومپانيانىڭ ەنەر­گەتيكالىق نىساندارىنا بەكىتۋگە, ۇجىم الدىنداعى الەۋمەتتىك باع­دارلامانى ورىنداۋعا مۇمكىندىك بەردى. ءوستىپ, كادر تۇراقتىلىعىن باستى نازارعا الدىق», دەدى ا.ءسات­قاليەۆ. كومپانيادا مۇمكىندىگى شەك­تەۋلى جانداردى جۇمىسقا ورنالاس­تىرۋ بويىنشا دا ۇلكەن جۇمىستار اتقارىلىپ جاتىر. قازىر كومپانيادا وسىنداي 111 ادام جۇمىس ىستەيتىن كورىنەدى. ال بيىلعى جىل سوڭىنا دەيىن تاعى دا مۇمكىندىگى شەكتەۋلى 70-شاقتى ادامدى جۇ­مىسقا قابىلداۋدى جوس­پارلاپ قوي­ىپتى. قايسار ءجۇسىپ.