ەلشىلەرمەن كەزدەستى

كەشە قازاقستان پارلامەنتى سەناتىنىڭ توراعاسى قاسىم-جومارت توقاەۆ يران يسلام رەسپۋبليكاسىنىڭ ەلشىسى گوربان سەيفي مەن پاكىستان يسلام رەسپۋبليكاسىنىڭ ەلشىسى شاۋكات الي مۋكادامدى ولاردىڭ وتىنىشتەرى بويىنشا قابىلدادى, دەپ حابارلادى سەناتتىڭ ءباسپاسوز قىزمەتى. ق.توقاەۆ ءوز ميسسياسىن اياق­تاعان يران ەل­شىسىنە تابىستى جۇ­مىستارى ءۇشىن ري­زا­شىلىق ءبىل­دىرىپ, العىس حات تابىس ەتتى. ءاڭ­گىمە بارىسىندا جوعارى سايا­سي دەڭ­گەيدەگى قازاقستان-يران باي­لا­نىستارىنىڭ قار­قىندى دامى­عانى جانە پارلامەنتارالىق ءۇن­قا­تىسۋلار نىعايا تۇسكەنى اتاپ ءوتىلدى. پاكىستان ەلشىسىمەن كەزدەسۋدە سەنات توراعاسى قازاقستان مەن پاكىستان پارلامەنتشىلەرى اراسىنداعى بايلانىستاردى ودان ءارى دامىتۋ, سونداي-اق, بۇۇ, اوسشك, شىۇ, يىۇ جانە ەىۇ سەكىلدى جاھاندىق جانە ايماقتىق ۇيىمدار اياسىندا ەكى ەلدىڭ ءوزارا جەمىستى ءىس-قيمىلىن جالعاستىرۋ جايىندا ايتتى. ق.توقاەۆ پاكىستاننىڭ جاڭا ەلشىسىنىڭ ساۋدا-ەكونوميكالىق ىنتىماقتاستىقتى تەرەڭدەتۋ نيە­تىنە قولداۋ ءبىلدىرىپ, استاناداعى ەكسپو-2017 حالىقارالىق كورمەسىنە پاكىستاندى بەلسەندى تۇردە قاتىسۋعا شاقىردى. ءوز كەزەگىندە ش.مۋكادام پرە­زيدەنت نۇرسۇلتان نا­زارباەۆ­تىڭ «قازاقستان-2050» ستراتە­گياسى ەكى ەلدىڭ ءوزارا ءتيىمدى ىنتى­ماقتاستىعى ءۇشىن زور مۇمكىندىكتەر اشاتىنىن اتاپ ءوتتى.