سوت اكتىلەرىن ورىنداۋ دەڭگەيى تومەن

مەملەكەتتىك حاتشى ادىلبەك جاقسىبەكوۆتىڭ ءتورا­عا­لىعىمەن قازاقستان رەسپۋبليكاسى پرەزيدەنتى جانىنداعى سىبايلاس جەمقورلىققا قارسى كۇرەس ماسەلەلەرى جونىندەگى كوميسسيانىڭ وتىرىسى ءوتتى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. وتىرىسقا قاتىسۋشىلار سوت اكتىلەرىن ورىنداۋ سالاسىنداعى سىبايلاس جەمقورلىققا قارسى ءىس-قيمىلدىڭ تيىمدىلىگىن ارتتىرۋ جونىندەگى شارالاردى, سونىمەن قاتار, مەملەكەتتىك ورگاندارداعى سىبايلاس جەمقورلىق دەڭگەيىنىڭ رەيتينگ جۇيەسىن جەتىلدىرۋ ءما­سەلەلەرىن تالقىلادى. ءا.جاقسىبەكوۆ اتاپ وتكەندەي, ستا­تيستيكالىق مالىمەتتەر سوت اك­تى­لەرىن ورىنداۋ دەڭگەيى تومەن­دىگىن كورسەتىپ وتىر. 2013 جىلى ءوندىرىپ الىنۋى ءتيىس بولعان 2,2 تريلليون تەڭگەنىڭ ءىس جۇزىندە تەك 108 ميلليارد تەڭگەسى نەمەسە 5 پايىزى عانا الىنعان. بۇعان قوسا, سوت اكتىلەرىن ورىن­­داۋ سالاسى سىبايلاس جەم­قور­لىققا مەيلىنشە بەيىم سا­لا­­لار­دىڭ ءبى­رى بولىپ قالا بەرۋدە. – قالىپتاسقان احۋال ورىن­داۋ­شىلىق ءوندىرىس جۇيەسىن تۇبە­گەي­لى رەفورمالاۋ, ءپىسىپ-جەتىلگەن ماسە­لەلەردى شەشۋدىڭ جاڭا تاسىلدەرىن ازىرلەۋ قاجەتتىگىن كورسەتىپ وتىر, – دەپ اتاپ ءوتتى مەملەكەتتىك حاتشى. وتىرىس بارىسىندا ادىلەت ءمينيسترى ب.يماشەۆتىڭ, ەكو­نو­ميكالىق قىلمىسقا جانە سىبايلاس جەمقورلىققا قارسى كۇ­رەس اگەنتتىگىنىڭ توراعاسى ر.ءتۇ­سىپ­بەكوۆتىڭ, باس پروكۋرور ا.داۋىل­باەۆ­تىڭ, مەملەكەتتىك قىز­مەت ىستەرى اگەنتتىگىنىڭ توراعاسى ءا.باي­مەنوۆتىڭ ەسەپتەرى تىڭدالدى. وتىرىس قورىتىندىسى بويىن­شا كوميسسيا مەملەكەتتىك ورگان­دارعا مەملەكەت باسشىسى قويعان مىندەتتەردى ورىنداۋعا بايلانىس­تى بىرقاتار تاپسىرمالار مەن ۇسىنىمدار بەردى.