كەڭەسكە ۋاكىلەتتى مەملەكەتتىك ورگاندار مەن ۇلتتىق بانك وكىلدەرى قاتىستى. مادەنيەت جانە سپورت ۆيتسە-ءمينيسترى ەرجان ەركىنباەۆ مولشەرلەمەلەردى ەسەپكە الۋ ورتالىعىن قۇرۋ, ونلاين-كازينولارعا قارسى ءىس-قيمىل بويىنشا زاڭنامالىق تۇزەتۋلەردى قابىلداۋ, ويىنعا ارنالعان سايتتاردى بۇعاتتاۋ, لوتەرەيا بيزنەسىن رەتتەۋ ماسەلەلەرى بويىنشا تاپسىرمالاردىڭ ورىندالۋ بارىسىن باياندادى.
ۆيتسە-پرەمەر ونلاين-كازينو سايتتارىنىڭ قولجەتىمدىلىگى مەن كەڭىنەن تارالۋى حالىقتىڭ قۇمار ويىندارعا تارتىلۋىنىڭ نەگىزگى سەبەپتەرى ەكەنىن اتاپ ءوتتى. مەملەكەتتىك ورگانداردا مۇنداي سايتتاردىڭ سانى, قۇمار ويىندارعا تاۋەلدى ادامدار جانە ازاماتتاردىڭ ونلاين كازينوعا جۇمساعان قاراجاتىنىڭ كولەمى تۋرالى دەرەكتەر جوق.
ە. توعجانوۆ مولشەرلەمەلەردى ەسەپكە الۋ ورتالىعىنىڭ مادەنيەت جانە سپورت مينيسترلىگى بازاسىندا قۇرىلۋى ءتيىس ەكەنىن ايتتى. كەڭەس قورىتىندىسى بويىنشا ەرالى توعجانوۆ مەملەكەتتىك ورگاندارعا بىرقاتار ناقتى تاپسىرما بەردى.
اتاپ ايتقاندا:
- زاڭسىز ويىن بيزنەسىنە قارسى ءىس-قيمىل جانە ازاماتتاردىڭ قۇمار ويىندارعا تارتىلۋ دەڭگەيىن تومەندەتۋ بويىنشا بىرلەسكەن ءىس-قيمىل جوسپارىن ازىرلەۋ;
- قۇمار ويىنداردىڭ زيانى تۋرالى الەۋمەتتىك روليكتەر جاساۋ جانە ناسيحاتتاۋ;
- قوعام وكىلدەرىن تارتا وتىرىپ, زاڭسىز ويىن ورىندارىن انىقتاۋ بويىنشا رەيدتەر جۇرگىزۋ;
- ينتەرنەت-كازينونى ۇيىمداستىرۋشى تۇلعالاردىڭ ءتىزىمىن بەلگىلەۋ;
- بانكتەر مەن تولەم جۇيەلەرىنە وسى تۇلعالاردىڭ قارجى وپەراتسيالارىن جۇرگىزۋگە تىيىم سالۋ;
- نەسيە كارتالارىنىڭ كومەگىمەن كازينولاردا, ويىن اۆتوماتتارى زالدارىندا, بۋكمەكەرلىك كەڭسەلەردە جانە توتاليزاتورلاردا تولەمدەردى جۇزەگە اسىرۋعا نەمەسە شوتتاردى تولىقتىرۋعا تىيىم سالۋ;
- ينتەرنەت-كازينونى ۇيىمداستىرعانى ءۇشىن جاۋاپكەرشىلىك بەلگىلەۋ;
- قۇمار ويىندارعا تاۋەلدى ازاماتتاردى, ولاردىڭ ىشىندە بالالاردى انىقتاۋ جانە وڭالتۋ جۇيەسىن ازىرلەۋ.
