ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 1 جاسقا دەيىنگى بالا كۇتىمىنە بايلانىستى تابىسىنان ايىرىلعان 423,5 مىڭ ادام 42,6 ملرد تەڭگە سوماسىندا الەۋمەتتىك تولەمگە يە بولعان.
«جوعارىدا كورسەتىلگەن تولەمدەردىڭ ءبىرىنشىسىن الۋ قۇقىعى جۇكتىلىك جانە بوسانۋ بويىنشا ۋاقىتشا ەڭبەككە جارامسىزدىق پاراعىندا كورسەتىلگەن كۇننەن باستالادى. بۇل الەۋمەتتىك تولەمنىڭ مولشەرى جۇمىس ىستەيتىن ايەلدىڭ سوڭعى جىلداعى ماسق-عا كەلىپ تۇسكەن الەۋمەتتىك اۋدارىمدارى مەن ەڭبەككە قابىلەتسىزدىك كۇندەرىنىڭ سانىنا قاراي بولادى. ەكىنشى تولەمدى الۋدىڭ نەگىزگى شارتتارى – كىرىستى جوعالتۋ جانە بالا 1 جاسقا تولعانعا دەيىن ناقتى كۇتىم جاساۋ. تولەم مولشەرى بالانىڭ تۋعان كۇنىنە دەيىنگى سوڭعى 2 جىل ىشىندە ماسق-عا تۇسكەن الەۋمەتتىك اۋدارىمدارعا قاراي, ورتاشا ايلىق تابىستىڭ 40%-ىن قۇرايدى. بۇل رەتتە وسى تولەمنىڭ ەڭ تومەنگى مولشەرى جۇمىس ىستەمەيتىن ايەلدەرگە تاعايىندالاتىن 1 جاسقا دەيىنگى بالا كۇتىمى جونىندەگى وسىعان ۇقساس اي سايىنعى مەملەكەتتىك جاردەماقىنىڭ مولشەرىنەن كەم بولماۋى ءتيىس», دەپ تۇسىندىرگەن حابارلامادا.
جازبادان بەلگىلى بولعانى, ەڭ جوعارعى مولشەر ەڭ تومەنگى جالاقىنىڭ جەتى ەسەلەنگەن مولشەرىنىڭ 40%-ىنان اسپاۋى ءتيىس.
الەۋمەتتىك تولەمدەردەن 10 % مىندەتتى زەينەتاقى جارنالارى ۇستالىپ, بىرىڭعاي جيناقتاۋشى زەينەتاقى قورىنداعى شوتىنا اۋدارىلادى.
