جيىن ءبارىسىندا اليحان بوكەيحاننىڭ ءومىرى مەن شىعارماشىلىعى جونىندە تىڭ دەرەكتەر ايتىلدى.
ءا.بوكەيحان XIX عاسىردىڭ سوڭى مەن XX عاسىردىڭ باسىنداعى قازاق زيالىلارىنىڭ, قوعام جانە مەملەكەت قايراتكەرلەرى قاتارىنداعى ەرەكشە تۇلعا, الاش قوزعالىسىنىڭ جەتەكشىسى, پۋبليتسيست, عالىم بولعانى بارشاعا ءمالىم. دەگەنمەن Əليحان نۇرمۇحامەد ۇلى ءبىر عىلىم سالاسىمەن شەكتەلىپ قانا قويعان جوق. ونىڭ ەڭبەكتەرىنەن قازاق حالقىنىڭ ەكونوميكاسىنا, تاريحى مەن مəدەنيەتىنە قاتىستى ءتۇرلى دەرەكتەردى كەزدەستىرۋگە بولادى.
«الاش قايراتكەرلەرى ءبىزدىڭ بۇگىنگى زاماناۋي مەملەكەتىمىزدىڭ ىرگەتاسىن قالاپ, شەكاراسىن شەگەلەپ كەتتى. ولار تەك قانا پارتيالىق ۇيىمداستىرۋ, ساياسي قايراتكەرلىك ىستەرمەن عانا شەكتەلمەي, قازاق تاريحى مەن ادەبيەتىنە, عىلىم مەن ءبىلىم سالاسىنا, مادەنيەت پەن رۋحانياتقا وشپەس ءىز قالدىردى», دەدى «الاش» عىلىمي-زەرتتەۋ ينستيتۋتىنىڭ ديرەكتورى سۇلتانحان ءجۇسىپ.
