ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنە قاراعاندا, بيىلعى ناۋرىز ايىندا رەسپۋبليكالىق بيۋدجەتتەن مۇگەدەكتىگى بويىنشا الەۋمەتتىك جاردەماقىعا 27,6 ملرد تەڭگە, اسىراۋشىسىنان ايىرىلۋ جاعدايىنا بايلانىستى 7,7 ملرد تەڭگە جۇمسالدى.
«2022 جىلعى 1 ساۋىردە الەۋمەتتىك جاردەماقى الۋشىلاردىڭ سانى 525 مىڭ ادامدى, اسىراۋشىسىنان ايىرىلۋ جاعدايى بويىنشا 174,3 مىڭ ادامدى قۇرادى. ولارعا تولەنەتىن جاردەماقىلاردىڭ مولشەرى مۇگەدەكتىك توبىنا جانە سەبەبىنە, قايتىس بولعان (قازا تاپقان) اسىراۋشىنىڭ اسىراۋىنداعى ادامدار سانىنا, سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنەتىن ەڭ تومەن كۇنكورىس دەڭگەيىنىڭ شاماسىنا بايلانىستى. ساۋىردە مۇگەدەكتىك جونىندەگى الەۋمەتتىك جاردەماقىنىڭ ورتاشا مولشەرى 52 609 تەڭگەنى, اسىراۋشىدان ايىرىلۋ جاعدايىندا 43 957 تەڭگەنى قۇرادى», دەپ جازىلعان حابارلامادا.
